مجموعہ علوم القرآن

7۔عائشہ رضی اللہ عنہا سے مروی ہے کہ رسول اللہ صلی اللہ علیہ وسلم نے فرمایا: ((اَلْمَاہِرُ بِالْقُرآنِ مَعَ السَّفَرَۃِ الْکِرَامِ الْبَرَرَۃِ وَالَّذِيْ یَقْرَأُ الْقُرْآنَ،وَیَتَتَعْتَعُ فِیْہِ،وَہُوَ عَلَیْہِ شَاقٌّ لَہُ أَجْرَانِ)) [1] (أخرجہ الشیخان) [ماہرِ قرآن،اطاعت گزار معزز لکھنے والے فرشتوں کے ساتھ ہو گا اور وہ شخص جو اٹک اٹک کر قرآن پڑھتا ہے اور وہ اس پر دشوار ہوتا ہے تو اس کے لیے دوہرا اجر ہے] 8۔ابو موسیٰ اشعری رضی اللہ عنہ سے روایت ہے کہ بلا شبہہ نبی مکرم صلی اللہ علیہ وسلم نے فرمایا: ((مَثَلُ الْمُؤْمِنِ الَّذِيْ یَقْرَأُ الْقُرْآنَ کَالْأُتْرُجَّۃِ،طَعْمُھَا طَیِّبٌ،وَرِیْحُھَا طَیِّبٌ،وَالَّذِيْ لَا یَقْرَأُ کَالتَّمْرَۃِ،طَعْمُھَا طَیِّبٌ،وَلَا رِیْحَ لَھَا،وَمَثَلُ الْفَاجِرِ الَّذِيْ یَقْرَأُ الْقُرْآنَ کَمَثَلِ الرَّیْحَانَۃِ،رِیْحُھَا طَیِّبٌ،وَطَعْمُھَا مُرٌّ،وَمَثَلُ الْفَاجِرِ الَّذِيْ لَا یَقْرَأُ الْقُرْآنَ کَمَثَلِ الْحَنْظَلَۃِ طَعْمُھَا مُرٌّ،وَ لَا رِیْحَ لَھَا)) [2] (أخرجہ البخاري) [قرآن مجید کی تلاوت کرنے والا مومن نارنگی کی طرح ہے،اس کی خوشبو بھی اچھی ہے اور وہ خوش ذائقہ بھی ہے۔قرآن مجید کی تلاوت نہ کرنے والا مومن کھجور کی مانند ہے،جس کی خوشبو تو نہیں،لیکن اس کا ذائقہ شیریں ہے۔قرآن مجید کی تلاوت کرنے والا فاجر نازبو کی طرح ہے جس کی خوشبو اچھی ہے اور اس کا ذائقہ کڑوا ہے اور قرآن نہ پڑھنے والا فاجر تمے کی طرح ہے جس کی خوشبو نہیں اور ذائقہ کڑوا ہے] 9۔عبداللہ بن مسعود رضی اللہ عنہ سے مروی ہے،کہتے ہیں کہ رسول اللہ صلی اللہ علیہ وسلم نے فرمایا: ((مَنْ قَرَأَ حَرْفًا مِنْ کِتَابِ اللّٰہِ فَلَہُ حَسَنَۃٌ وَالْحَسَنَۃُ بِعَشْرِ أَمْثَالَھَا،لَا أَقُوْلُ الم حَرْفٌ،وَلٰکِنْ أَلِفٌ حَرْفٌ وَلَامٌ حَرْفٌ وَمِیْمٌ حَرْفٌ)) [3] (أخرجہ الترمذي وقال حسن صحیح غریب وقد رفعہ بعضھم عنہ ووقفہ بعضھم علیہ) [جو شخص کتاب اللہ کا ایک حرف پڑھتا ہے تو اس کے بدلے میں اسے ایک نیکی ملتی ہے

[1] سنن الترمذي،رقم الحدیث (۲۹۱۳) اس کی سند میں ایک راوی قابوس ہے،جو قدرے ضعیف ہے۔ [2] صحیح البخاري،رقم الحدیث (۴۷۳۹)