مجموعہ علوم القرآن

دست بہ دست متداول ہیں۔یہ منجملہ قیامت کی نشانیوں میں سے ایک نشانی ہے کہ علم بہت ہے،مگر عمل بالکل نہیں ہے۔ سید محمد حقی نازلی رحمہ اللہ [1] [المتوفی ۱۳۰۱ھ] نے سچ کہا ہے: ‘’إن القرآن لغریب في ھذا الزمان مع أن الثواب علی قراء تہ حاصل لمن فھم،ولمن لم یفھم بالکلیۃ،للتعبد بلفظہ،بخلاف غیرہ من الأذکار والأدعیۃ،فإنہ لا یثاب علیہ إلا من فہمہ،ولو بوجہ ما،وعلیہ أکثر العلماء‘‘ [2] [اس دور میں قرآن مجید یقینا اجنبی ہے،باوجودیکہ اس کی قراء ت و تلاوت کا ثواب ہر اس شخص کو ملتا ہے،جس نے اس کو سمجھا اور اس کو بھی جس نے اسے بالکل نہ سمجھا،کیونکہ اس کے الفاظ کو پڑھنا بھی عبادت ہے،جبکہ دیگر اذکار اور دعاؤں کا اجر و ثواب اسی شخص کو ملتا ہے،جو ان کو کسی نہ کسی طرح سمجھ کر پڑھتا ہے۔اکثر علما کا یہی موقف ہے] اس صورتِ حال میں یہ ضروری ہے کہ ہر مسلمان اتنے افضل،عظیم تر اور اشرف کلام کو اپنا وظیفہ بنا لے۔قاریِ قرآن گویا اللہ تعالیٰ کے ساتھ ہم کلام ہوتا ہے۔اللہ تعالیٰ نے اپنا یہ کلام بہت آسان کر دیا ہے۔فرمانِ باری تعالیٰ ہے: ﴿وَلَقَدْ یَسَّرْنَا الْقُرْاٰنَ لِلذِّکْرِ فَھَلْ مِنْ مُّدَّکِرٍ﴾ [القمر: ۱۷] [اور بلا شبہہ یقینا ہم نے قرآن کو نصیحت کے لیے آسان کر دیا،تو کیا ہے کوئی نصیحت حاصل کرنے والا؟] ورنہ کسی زبان میں یہ طاقت نہ تھی کہ وہ کمال عظمت و مہابت کے سبب اس کے ساتھ تکلم کر سکتی۔قرآن خواں کے دونوں پہلوؤں میں گویا نبوت مندرج کی جاتی ہے،بس اتنا فرق ہے کہ وحی نہیں آتی۔ اللہ تعالیٰ کا فرمان ہے: ﴿فَخُذْھَا بِقُوَّۃٍ وَّاْمُرْ قَوْمَکَ یَاْخُذُوْا بِاَحْسَنِھَا﴾ [الأعراف: ۱۴۷]

[1] ان کی تالیف کا نام’’خزینۃ الأسرار الکبریٰ‘‘ ہے،جب کہ کتاب’’إیضاح المکنون ذیل کشف الظنون‘‘ میں اس کا نام’’خزینۃ الأسرار جلیلۃ الأذکار‘‘ لکھا ہوا ہے۔[مولانا عطاء اﷲ حنیف بھوجیانی رحمہ اللہ ] [2] خزینۃ الأسرار للنازلي (ص: ۴) [مولانا عطاء اﷲ حنیف بھوجیانی رحمہ اللہ]