مجموعہ علوم القرآن

صحیح مسلم میں سبرہ بن معبد جہنی رضی اللہ عنہ کے واسطے سے نبی صلی اللہ علیہ وسلم سے روایت ہے کہ آپ صلی اللہ علیہ وسلم نے فتح مکہ کے دن فرمایا: ((یَا أَیُّھَا النَّاسُ! قَدْ کُنْتُ أَذِنْتُ لَکُمْ فِيْ الْاِسْتِمْتَاعِ مِنَ النَّسَائِ،وَ إِنَّ اللّٰہَ قَدْ حَرَّمَ ذَالِکَ إِلٰي یَوْمِ الْقِیٰمَۃِ فَمَنْ کَانَ عِنْدَہٗ مِنْھُنَّ شَیْیٌٔ فَلْیُخِلِّ سَبِیْلَھَا،وَلَا تَاخُذُوْا مِمَّا آتَیْتُمُوْھُنَّ شَیْئاً)) [1] [لوگو! میں نے تمھیں عورتوں سے متعہ کرنے کی اجازت دے رکھی تھی،اب اللہ نے قیامت تک کے لیے اسے حرام فرما دیا ہے،لہٰذا جس کے پاس کوئی ایسی عورت ہو تو وہ اسے آزاد کر دے اور تم نے جو کچھ انھیں دیا ہے،اس میں سے کچھ بھی (واپس) نہ لو] صحیح مسلم کی ایک حدیث میں یہ بھی آیا ہے کہ یہ واقعہ حجۃ الوداع کے موقع کا تھا،تو یہ احادیث آیت مذکورہ کی ناسخ ہیں۔سعید بن جبیر نے فرمایا ہے کہ اس کی ناسخ میراث کی آیت ہے،کیونکہ’’متعہ‘‘ میں میراث نہیں ہے۔قاسم بن محمد رحمہ اللہ اور سیدہ عائشہ رضی اللہ عنہا کہتی ہیں کہ متعہ کا نسخ قرآن میں ہے اور وہ اﷲ تعالیٰ کا یہ ارشاد: ﴿وَالَّذِیْنَ ھُمْ لِفُرُوْجِھِمْ حَافِظُوْنَ،الخ﴾ ہے اور جو عورت متعہ والی ہے،وہ بیویوں سے ہے اور نہ لونڈیوں میں سے،کیونکہ زوجہ کی شان یہ ہے کہ وہ خود بھی وارث ہو اور دوسرے اس کے وارث ہوں،جب کہ متعہ والی عورت ایسی نہیں ہے۔سیدنا ابن عباس رضی اللہ عنہما سے متعہ کے جواز کی روایت ہے۔نیز اس کے ناسخ کے پہنچنے پر اس سے رجوع کرنے کی بھی روایت ہے۔روافض کی ایک جماعت اس کے جواز کی قائل ہے اور ان کے اقوال پر اعتماد نہیں۔بعض متاخرین اس مسئلے پر تکثیرِ کلام اور اس کے مجوز ین کی تقویت کی وجہ سے اپنی جان کو تھکان میں ڈالے ہوئے ہیں،یہ اس کے بطلان کی جگہ نہیں ہے۔منتقیٰ کی شرح میں جواز پر استدلال کرنے والے کے شک کو باطل کرنے کے لیے میں نے طویل بحث کی ہے۔[2] انتھیٰ کلام الإمام الشوکاني رحمہ اللّٰه گیارھویں آیت: ﴿یٰٓأَیُّھَا الَّذِیْنَ اٰمَنُوْا لَا تَاْکُلُوْٓا اَمْوَالَکُمْ بَیْنَکُمْ بِالْبَاطِلِ اِلَّآ اَنْ تَکُوْنَ

[1] صحیح مسلم،رقم الحدیث (۱۴۰۶) [2] فتح القدیر (۱/ ۷۲۱)