مجموعہ علوم القرآن

[تجھ سے شراب اور جوئے کے متعلق پوچھتے ہیں،کہہ دے ان دونوں میں بہت بڑا گناہ ہے اور لوگوں کے لیے کچھ فائدے ہیں اور ان دونوں کا گناہ ان کے فائدے سے بڑا ہے] کہتے ہیں کہ یہ آیت اس آیت: ﴿رِجْسٌ مِّنْ عَمَلِ الشَّیْطٰنِ فَاجْتَنِبُوْہُ﴾ [المائدۃ: ۹۰] [سراسر گندے ہیں شیطان کے کام سے ہیں ] سے منسوخ ہے،یعنی اول آیت میں فرمایا ہے کہ شراب میں فائدہ اور گناہ دونوں ہیں اور تحریم کی صراحت نہیں کی،پھر دوسری آیت میں اس سے اجتناب کا حکم دیا اور اس آیت کے آخر میں فرمایا: ﴿فَھَلْ اَنْتُمْ مُّنْتَھُوْن﴾ [المائدۃ: ۹۱] [تو کیا تم باز آنے والے ہو] یعنی وہ اسے بیچنے،پینے اور بنانے سے باز رہیں۔تو یہ معلوم ہوا کہ اول آیت دوسری آیت سے منسوخ ہے۔ احمد،ابن ابی شیبہ،عبد بن حمید،ابو داؤد،ترمذی،نسائی،ابن جریر،ابن منذر،ابن ابی حاتم اور حاکم رحمہ اللہ علیہم اور ضیا رحمہ اللہ نے’’مختارہ‘‘ میں عمر بن الخطاب رضی اللہ عنہ سے روایت کیا ہے اور ترمذی و حاکم رحمہما اللہ نے اسے صحیح قرار دیا ہے کہ انھوں نے فرمایا: ’’اللّٰہم! بین لنا في الخمر بیانا شافیا،فإنھا تذہب بالمال والعقل‘‘ [اے اللہ! شراب کے بارے میں ہمارے لیے شافی بیان فرما،کیونکہ یہ تو مال و عقل کو برباد کر دیتی ہے] تو آیتِ مذکورہ ﴿یَسْئَلُوْنَکَ عَنِ الْخَمْرِ وَ الْمَیْسِرِ،الخ﴾ اتری اور سیدنا عمر رضی اللہ عنہ کے سامنے پڑھی گئی تو انھوں نے فرمایا:’’اللّٰہم! بین لنا في الخمر بیانا شافیا‘‘ [اے اللہ! شراب سے متعلق کوئی واضح ارشاد نازل فرما] تو دوسری آیت اتری،جو سورۂ نسا میں ہے،یعنی ﴿یٰٓأَیُّھَاالَّذِیْنَ اٰمَنُوْا لَاتَقْرَبُوا الصَّلٰوۃَ وَ اَنْتُمْ سُکٰرٰی﴾ [النساء: ۴۳] [اے لوگو جو ایمان لائے ہو! نماز کے قریب نہ جاؤ،اس حال میں کہ تم نشے میں ہو] اس پر نبی صلی اللہ علیہ وسلم نے نماز کے وقت اعلان کیا کہ بدمست نماز کے نزدیک نہ ہو،پھر سیدنا عمر رضی اللہ عنہ کو طلب کیا اور ان کے سامنے یہ آیت پڑھی: انھوں نے کہا:’’اللّٰہم! بین لنا في الخمر بیانا شافیا‘‘ [اے اللہ! شراب سے متعلق کوئی واضح ارشاد نازل فرما] پھر وہ آیت اتری جو سورۃ المائدہ میں ہے۔سیدناعمر رضی اللہ عنہ کو طلب کیا اور ان کے سامنے یہ آیت پڑھی گئی۔جب اﷲ کے ارشاد: ﴿فَھَلْ اَنْتُمْ مُّنْتَھُوْن﴾ [المائدۃ: ۹۱] [تو کیا تم باز آنے والے ہو]