مجموعہ علوم القرآن

ہے کہ عقلاً جائز ہے اور اس پر اہلِ علم کا اتفاق نقل کیا ہے۔وجود کے بارے میں جمہور کا مذہب یہ ہے کہ’’ہوا نہیں ہے‘‘ اور اس پر اجماع نقل کیا ہے۔اہلِ ظاہر میں سے ایک جماعت،جن میں ابن حزم رحمہ اللہ شامل ہیں،اس کے وجود کی طرف گئے ہیں اور ایک روایت میں امام احمد رحمہ اللہ بھی اور غزالی و ابو الولید باجی اور قرطبی رحمہ اللہ علیہم نے کہا ہے کہ آنحضرت صلی اللہ علیہ وسلم کے زمانے میں ہوا ہے،اس کے بعد نہیں۔ امام شوکانی رحمہ اللہ فرماتے ہیں کہ اﷲ تعالیٰ کے ارشاد: ﴿قُلْ لَّآ اَجِدُ فِیْ مَآ اُوْحِیَ اِلَیَّ مُحَرَّمًا عَلٰی طَاعِمٍ یَّطْعَمُہٗ﴾ [الأنعام: ۱۴۵] [کہہ دے میں اس وحی میں،جو میری طرف کی گئی ہے،کسی کھانے والے پر کوئی چیز حرام نہیں پاتا جسے وہ کھائے] کا نسخ آنحضرت صلی اللہ علیہ وسلم کی ہر کچلی والے درندے اور ہر پنجے سے شکار کرنے والے پرندے کے کھانے کی نہی سے ہواہے اور یہ آحاد ہے۔[1] وہ اس کا جواب یہ دیتے ہیں کہ اس کا معنی’’لا أجد الآن‘‘ [اب میں نہیں پاتا] ہے،جب کہ تحریم مستقبل میں ہوئی ہے۔نکاحِ متعہ کا نسخ اس کی نہی سے ہونے کا ثبوت ہے اور یہ آحاد ہے اور ایسا بہت زیادہ ہے۔جو چیز صحیح آحاد کے اپنے سے دلالت و متن میں اقویٰ کے نسخ پر راہنمائی کرتی ہے،یہ ہے کہ ناسخ کا آنا درحقیقت منسوخ کے حکم کے استمرار اور اس کے دوام کے اٹھانے کے لیے ہوتا ہے اور یہ ظنی ہے،اگر چہ اس کی دلیل قطعی ہو تو منسوخ یہی ظنی ہے نہ کہ وہ قطعی۔[2] فتأمل۔ 10۔سنت متواترہ سے قرآن کا نسخ: قرآن کا نسخ سنتِ متواترہ سے جمہور کے نزدیک جائز ہے اور اسے حنفیہ بھی مانتے ہیں،جیسا کہ اس آیت: ﴿کُتِبَ عَلَیْکُمْ اِذَا حَضَرَ اَحَدَکُمُ الْمَوْتُ اِنْ تَرَکَ خَیْرَنِ الْوَصِیَّۃُ لِلْوَالِدَیْنِ وَ الْاَقْرَبِیْنَ بِالْمَعْرُوْفِ﴾ [البقرۃ: ۱۸۰] [تم پر لکھ دیا گیا ہے،جب تم میں سے کسی کو موت آ پہنچے،اگر اس نے کوئی خیر چھوڑی ہو،اچھے طریقے کے ساتھ وصیت کرنا ماں باپ اور رشتہ داروں کے لیے] کا نسخ آپ صلی اللہ علیہ وسلم کے ارشاد: ((لَاوَصِیَّۃَ لِوَارِثٍ)) [3] [وارث کے حق میں وصیت جائز نہیں ہے] سے ہوا ہے۔یہ نہیں کہا جاسکتا کہ یہ آیت،آیتِ مواریث سے منسوخ ہے،کیونکہ دونوں کے مابین

[1] صحیح مسلم،رقم الحدیث (۱۹۳۴) [2] إرشاد الفحول (۲/ ۶۸) [3] سنن أبي داود،رقم الحدیث (۲۸۷۰) سنن ابن ماجہ،رقم الحدیث (۲۷۱۳)