مجموعہ علوم القرآن

ہیں۔اس کی وجہ یہ ہے کہ تلاوتِ قرآن سے بڑھ کر کوئی عملِ خیر نہیں ہے۔یہ تلاوت اذکار اور دعوات کی متعدد انواع پر مشتمل ہے۔اس میں رسول اللہ صلی اللہ علیہ وسلم پر درود بھیجنے کا ذکر بھی آیا ہے۔ کتاب عزیز کے فضائل بے حد و حساب ہیں۔علما نے ان فضائل کو مستقل کتابوں میں تحریر کیا ہے۔خود کتاب و سنت میں آیات اور سورتوں کے بہت سے فضائل بیان ہوئے ہیں۔اس بارے میں رسالہ’’فصل الخطاب في فضل الکتاب‘‘ ایک عمدہ بیانِ شافی اور نصحِ کافی ہے،اگر اللہ تعالیٰ کی توفیق دست گیر ہو،کیوں کہ قرآن مجید کے ہوتے ہوئے کسی کتاب کی حاجت نہیں ہے تو یہی ایک کتاب ہر کتاب اور بے کتاب والے کو کفایت کرتی ہے۔کسی نے کیا خوب کہا ہے: اوّل و آخر قرآن زچہ با آمد و سین یعنی اندر رہِ دین رہبر تو قرآن بس [اول و آخر قرآن کس سے آیا ہے؟ با اور سین سے،یعنی دین کی راہ میں تیرا راہنما صرف قرآن ہے] الحمد للّٰہ أوّلاً و آخراً،و صلی اللّٰہ تعالیٰ علیٰ خیر خلقہ محمد و آلہ و صحبہ وسلم۔