مجموعہ علوم القرآن

وہ ہر روز کم ہو جاتی تھیں۔میں نے رسول اللہ صلی اللہ علیہ وسلم کو بتایا۔آپ صلی اللہ علیہ وسلم نے فرمایا: یہ شیطان کا کام ہے۔میں اس کی تاک میں رہا اور تین راتوں تک میں ہر رات اس کو پکڑ لیتا،پھر اس کی خوشامد پر چھوڑ دیتا۔آخر اس نے بتایا کہ تو آیۃالکرسی اور سورۃ البقرہ کی آخری آیات پڑھا کر شیطان نہیں آئے گا۔میں نے رسول اللہ صلی اللہ علیہ وسلم کو اس صورتِ حال سے آگاہ کیا تو آپ صلی اللہ علیہ وسلم نے فرمایا: ((صَدَقَ الْخَبِیْثُ وَھُوَ کَذُوْبٌ)) [اس خبیث نے سچ کہا،حالانکہ وہ خود بہت جھوٹا ہے] اس کے بعد میں اس (آیۃالکرسی اور آخرِ سورۃ البقرہ) کی تلاوت کرتا تھا تو ان (کھجوروں) میں کوئی نقصان اور کمی نہیں دیکھتا تھا۔[1] (أخرجہ الحاکم والطبراني وأبو نعیم والبیہقي کلاھما فيالدلائل) 7۔اسی طرح ابو اسید ساعدی رضی اللہ عنہ کے باغ سے ایک غول کھجوریں چرا کر لے جایا کرتا تھا۔میں نے رسول اللہ صلی اللہ علیہ وسلم سے اس کا ذکر کیا،آپ صلی اللہ علیہ وسلم نے فرمایا کہ یہ غول (شیطان) کا کام ہے۔میں نے جب اسے پکڑا تو وہ مجھے آیۃالکرسی پڑھنا بتا گیا۔میں نے رسول اللہ صلی اللہ علیہ وسلم کو اس سے آگاہ کیا تو آپ صلی اللہ علیہ وسلم نے فرمایا: ((صَدَقَتْ وَھِيَ کَذُوْبٌ)) [2] (أخرجہ الطبراني وأبو نعیم) [وہ خود سخت جھوٹا ہے اور اس نے تجھ سے سچی بات کہی ہے] 8۔اسی طرح کا ایک قصہ حاکم نے عبداللہ بن عباس رضی اللہ عنہما سے ابو ایوب انصاری رضی اللہ عنہ کے غلے کی بابت روایت کیا ہے۔[3] (وأخرجہ أیضا أحمد وابن أبي شیبۃ والترمذي وأبو نعیم بطولہ،وروی البیہقي عن بریدۃ بنحوہ) یہ سب روایات غول (جنات) کے وجود پر دلیل ہیں۔ قاموس میں لکھا ہے: ’’الغول بالضم الھلکۃ والداھیۃ والسِّعلاۃ والحیۃ وساحرۃ الجن وشیطان یأکل الناس،أو دابۃ رأتھا العرب وعرفتھا،وقتلھا تأبط شراً ومن یتلون

[1] المستدرک للحاکم (۱/ ۷۵۱) المعجم الکبیر للطبراني (۲۰/۵۱) [2] مسند أحمد (۵/ ۴۲۳) المعجم الکبیر للطبراني (۱۹/۲۶۳) [3] مسند أحمد (۵/۴۲۳) سنن الترمذي،رقم الحدیث (۲۸۸۰) مصنف ابن أبي شیبۃ (۶/۹۴) المستدرک للحاکم (۳/ ۵۲۰)