مجموعہ علوم القرآن

((أُنْزِلَ الْقُرْآنُ عَلیٰ سَبْعَۃِ أَحْرُفٍ،لِکُلِّ آیَۃٍ مِنْھَا ظَھْرٌ وَبَطْنٌ،وَلِکُلِّ حَدٍّ مُطَّلِعٌ)) [1] (رواہ في شرح السنۃ) [قرآن مجید سات قراء توں میں نازل کیا گیا،اس میں سے ہر آیت کا ظاہر و باطن ہے اور ہر سطح کے مضمون کی حقیقت کو سمجھنے والا کوئی نہ کوئی ہے] مذکورہ بالا حدیث میں سات حرفوں سے مراد سات قراء تیں یا سات لغات یا سات طرح کے احکام ہیں۔ 6۔سیدنا عبداللہ بن عمر رضی اللہ عنہما سے مروی حدیث میں رسول اللہ صلی اللہ علیہ وسلم نے فرمایا ہے: ((اَلْعِلْمُ ثَلَاثَۃٌ: آیَۃٌ مُحْکَمَۃٌ أَوْ سُنَّۃٌ قَائِمَۃٌ أَوْ فَرِیْضَۃٌ عَادِلَۃٌ،وَمَا کَانَ سِوٰی ذٰلِکَ فَھُوَ فَضْلٌ)) [2] (رواہ أبو داؤد وابن ماجہ) [علم تین ہیں : آیت محکمہ یا سنت ثابتہ یا فریضہ عادلہ اور جو اس کے سوا ہو وہ فضل ہے] 7۔مالک بن انس رحمہ اللہ سے مرسلاً مروی حدیث میں آیا ہے: ((تَرَکْتُ فِیْکُمْ أَمْرَیْنِ لَنْ تَضِلُّوْا مَا تَمَسَّکْتُمْ بِھِمَا کِتَابُ اللّٰہِ وَ سُنَّۃُ رَسُوْلِہٖ)) [3] (رواہ في الموطأ) [میں تم میں دوچیزیں چھوڑ کر جا رہا ہوں،پس جب تک تم ان دونوں پر عمل کرتے رہو گے تو کبھی گمراہ نہیں ہو گے (یعنی) اللہ کی کتاب اور اس کے رسول صلی اللہ علیہ وسلم کی سنت] گلستانِ سدا بہار: بعض اہلِ علم نے کہا ہے: ’’کل مکرر مملول إلا القرآن،لأنہ أحسن الحدیث،ویزداد القاریٔ بتکرار القرآن إدمانا وفہما وثوابا،وظھور المعنی یحلو بہ،وھٰذا إعجازہ‘‘[4]

[1] شرح السنۃ للبغوي (۱/۲۶۳) مسند أبي یعلیٰ (۹/ ۸۰) [2] سنن أبي داؤد،رقم الحدیث (۲۸۸۵) سنن ابن ماجہ،رقم الحدیث (۵۴) اس کی سند میں’’عبدالرحمن بن زیاد بن انعم افریقی‘‘ اور اس کا شیخ’’عبدالرحمن بن رافع‘‘ دونوں ضعیف ہیں،لہٰذا یہ روایت ضعیف ہے۔ [3] الموطأ لمالک (۲/۸۹۹) یہ حدیث متصل بھی مروی ہے۔دیکھیں : التمھید لابن عبد البر (۲۴/ ۳۳۱) [4] خزینۃ الأسرار للنازلي (ص: ۵۷)