مجموعہ علوم القرآن

((عَلَیْکَ بِتِلَاوَۃِ الْقُرْآنِ،فَإِنَّہُ نُوْرٌ لَّکَ فِي الْأَرْضِ وَذُخْرٌ لَّکَ فِي السَّمَائِ)) [1] (رواہ ابن حبان في صحیحہ) [قرآن مجید کی تلاوت کر،کیوں کہ وہ زمین میں تیرے لیے نور اور آسمان میں تیرے لیے (اجر و ثواب کے) ذخیرے کا باعث ہے] 4۔سیدنا ابو ذر رضی اللہ عنہ مرفوعاً بیان کرتے ہیں : ((إِنَّکُمْ لَا تَرْجِعُوْنَ إِلَی اللّٰہِ بِشَیْیٍٔ أَفْضَلَ مِمَّا خَرَجَ مِنْہُ یَعْنِيْ القُرْآنَ)) [2] (رواہ الحاکم) [یقینا تم اللہ کے پاس اس چیز سے افضل کوئی چیز نہیں لے کر جاؤ گے،جو اس سے خارج ہوئی ہے یعنی قرآن مجید] 5۔سیدنا عبداللہ بن مسعود رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا ہے: ((إِنَّ ھٰذَا الْقُرْآنَ مَأْدُبَۃُ اللّٰہِ،فَاقْبَلُوْا مَأْدُبَتَہُ مَا اسْتَطَعْتُمْ،إِنَّ ھٰذَا القُرْآنَ حَبْلُ اللّٰہِ وَالنُّوْرُ الْمُبِیْنُ وَالشِّفَائُ النَّافِعُ،عِصْمَۃٌ لِّمَنْ تَمَسَّکَ بِہِ،وَنَجَاۃٌ لِّمَنِ اتَّبَعَہٗ،لَا یَزِیْغُ فَیُسْتَعْتَبُ،وَلَا یَعْوَجُّ فَیَقُوْمُ،وَلَا تَنْقَضِيْ عَجَائِبُہٗ،وَلَا یَخْلَقُ مَنْ کَثْرَۃِ الرَّدِّ،اُتْلُوْہُ فَإِنَّ اللّٰہَ یَأْجُرُکُمْ عَلیٰ تِلَاوَتِہِ)) [3] الحدیث (رواہ الحاکم) [یقینا یہ قرآن اللہ کا دسترخوان ہے،لہٰذا حسبِ استطاعت اس کے دسترخوان سے فائدہ اٹھاؤ۔بلا شبہہ یہ قرآن اللہ کی رسی ہے،واضح روشنی ہے،نفع مند شفا ہے۔جو اسے تھام لے،اس کے لیے بچاؤ کا ذریعہ ہے،جو اس کا اتباع کرے،اس کے لیے نجات کا باعث ہے۔وہ (اپنے پیچھے چلنے والوں کو) گمراہ نہیں کرتا کہ سزا کا مستحق بنائے۔وہ ٹیڑھا نہیں ہوتا کہ اسے سیدھا کرنے کی نوبت آئے،اس کے عجائبات ختم نہیں ہوتے،بار بار کے استعمال سے وہ پرانا نہیں ہوتا،لہٰذا اس کی تلاوت کرو،یقینا اللہ تعالیٰ تمھیں اس کی تلاوت پر اجر و ثواب سے نوازے گا]

[1] صحیح ابن حبان (۲/۷۶) [2] سنن الترمذي،رقم الحدیث (۲۹۱۲) المستدرک للحاکم (۱/۷۴۱) اس کی سند مرسل و ضعیف ہے۔دیکھیں : السلسلۃ الضعیفۃ،رقم الحدیث (۱۹۵۷) [3] المستدرک للحاکم (۱/۷۴۱) اس کی سند میں’’ابراہیم بن مسلم ہجری‘‘ راوی ضعیف ہے۔