مجموعہ رسائل گکھڑوی

حضرت نوں جیکر تساں جاتا حیات ہے حاضر اوہ سید سرور کائنات ہے فیر تے پائی تساں قہر دی رات ہے حضرت دے ہندیاں پَلا اُمتی دا پھڑیا جے فتویٰ مرزائیاں اُتے کفر دا جَڑیا جے حضرت نوں چھڈیا جس نے دوزخ وچہ سڑیا جے خاوند دے حاضر ہندیاں ویکھے جو یار نوں سمجھو طلاق ملی اوس بدکار نوں رب دی مار وگّے ایہو جہی نار نوں رب فرمایا میرا نبی جہان تے اِنج ہے روشن جویں سورج آسمان تے دَسّو کیوں بالی تساں بتی دکان تے کڈھ کے دکھاؤ لکھیا خیر الانام دا میرے مقابل رکھیو مذہب امام دا مولا نوں چھڈ کے بنیوں گولا غلام دا ویکھو اعلان کھلا وچہ مشکوٰۃ دے لیائے اصحابی کجھ نسخے تورات دے سامنے رکھے اشرف مخلوقات دے غصے وچہ آئے سن کے سرور سینسار دے چہرے تے سرخی جویں دانے انار دے کنبے اصحابی ڈر دے دم نہ مار دے کیتا ارشاد موسیٰ ہندا جے جیوندا چھوڑ نبوت میرا اُمتی تھیوندا مذہب منیدا میرا خادم سدیوندا موسیٰ تھیں جاتا تساں وڈا امام نوں صدمہ پہنچایا سید بیت الحرام نوں غیرت ضرور ہوسی رب اکرام نوں موسیٰ دا جد کے حضرت مذہب چھڈایا سی عمل تورات سَندا بند کرایا سی فقیہہ دے فتوے دَیو کدوں فرمایا سی دسّو کھاں عالمگیری چنگی تورات تھیں یا کہ قدوری منیہ افضل مشکوٰۃ تھیں امتی دی کیوں کر افضل نبی دی بات تھیں