مجموعہ رسائل گکھڑوی

اﷲ اونہاں نوں زندہ رکھنا مدام ہے باقی دی ساری خلقت فانی تمام ہے فوت نہیں ہوئے اینویں خیال ایہ خام ہے موسیٰ دی حالت مینوں جاپے وچار تھیں ہوگئے بے ہوش حضرت دب دے دیدار تھیں ڈٹھا نے شعلہ شاید ازلی انوار تھیں ابوبکر رضی اللہ عنہ نے آکے شک مٹایا سی دتی تسلی نالے چنگا سمجھایا سی خطبے دے اندر اُٹھ کے وعظ سنایا سی بے شک رسول یارو پائی وفات ہے زندہ ہمیشہ سوہنے رب دی ذات ہے باقی تمامی فانی مخلوقات ہے چوتھے سپارے وچوں آیت سنائی سی پہلاں میں یارو جہڑی پڑھ کے بتائی سی منی وفات عمر رضی اللہ عنہ بھنڈی نہ پائی سی آیت شہیداں والی کیوں نہ سنایو سو کیوں نہ مباحثہ کیتا کیوں نہ ویکھایو سو جسمی حیاتی کیوں نہ اُٹھ کے منایو سو دسّو کھاں کیا ایہ آیت نہیں سی اوہ جاندا تھوڑا تساں تھیں آہا واقف قرآن دا سوچو نہ اینویں بیڑا ڈوبو جہان دا آیت اَلْیَوْم جدوں رب اتاری سی حضرت نوں سن کے ہوئی بیقراری سی موت دا قاصد جاتا کر لئی تیاری سی یعنی میں مَکّے اندر فیر نہیں آوناں دنیا تے ہن میں کوئی دم دا پراوہناں آخر عزیزو اندر خاک سماوناں آیت شہیداں جہڑی تدھ سنائی سی حضرت کیوں نہ اوتھے پڑھ کے بتائی سی موت دی دسّی زندگی والی چھپائی سی ثابت ایہ ہویا یارو اَج جہان نوں حضرت تھیں چنگا پڑھیا تساں قرآن نوں شابا تساڈے ایس عاشق سدان نوں