مجموعہ رسائل گکھڑوی

جنھیں دہاڑی اشرف علی بولایا سی ایتھے تے ہوگئی دمدد رب غفار دی رہی نہ گنجایش کوئی عذر انکار دی قیدی ہو بیٹھے خلقت طعنے پئی مار دی پھر بھی ہتھناٹک اپنی ملاں وکھا گیا عبدالغفور تائیں اگے لگا گیا آپوں معاون بنیاں اَگے کھلوا گیا کیوں کہ اوہ آہا احمد دین نوں جاندا نور حسین دوجا وحی ہے جاندا عبدالغفور نہیں ایہ راز پچھان دا سنیوں حقیقت مومن دوستو بھائیو نال انصاف دے سندے گل نوں جائیو ساڈی نہ کوئی طرفداری ویکھایو پہلے سَن منٹ پندرہ احمد دین دے سنت دے خادم حامی احمدی دین دے سنیوں ثبوت اوسی مرد ذہین دے اِنَّکَ مَیِّتٌ آیت سنائی سی دوجی نَتَوَفَّیَنَّ نال رلائی سی تیجی اِنْ مِتَّ کر کے واضح بتائی سی چوتھی اِنّ مَّاتَ آیت چوتھے سپارے دی پنجویں جو کُلُّ نَفْسٍ عالم ہے سارے دی کیتی وفات ثابت نبی صلی اللہ علیہ وسلم پیارے دی چوداں حدیثاں پچھوں ہور سنایاں سَن خوب وضاحت نال کھول ویکھایاں سَن مجلس موثر کیتی چنگیاں سمجھایاں سَن نظم مثلاً وفات جدوں آپ دی آئی سی فاطمہ بیٹی پیاری کول بلائی سی کَن دے اندر اونہوں گل سنائی سی سنی جاں گل زہرہ سید ابرار دی رُنی اچانک ڈاہڈی آہ چا مار دی