مچھلی کے پیٹ میں

مجھے اچھی طرح یاد ہے کہ اس رات میں نے بازار میں بھیک مانگنے والے ایک بھکاری کا مذاق اڑایا اور انتہائی خطرناک حرکت یہ کی کہ اس کے سامنے اپنا پاؤں کر کے اسے ایسا اڑنگا لگایا کہ وہ بیچارہ ٹھوکر کھا کر گرا اور پھر بیٹھ کر اپنے سر کو یوں پھیرنے لگا کہ گویا یہ کہہ رہا ہو کہ معلوم نہیں میں اسے کیا کہوں؟ میرے زور دار قہقہوں سے سارا بازار گھونج اٹھا… اور میں حسبِ عادت اس رات بھی بہت دیرسے گھر لوٹا .. کیا دیکھتا ہوں کہ میری بیوی میرے انتظار میں بیٹھی ہے اور اس کی حالت انتہائی قابلِ ترس نظر آرہی تھی۔اس نے کپکپاتی اور ٹوٹتی ہوئی آواز میں مجھ سے مخاطب ہوکر کہا:راشد! تم کہاں تھے؟ میں نے اس کا مذاق اڑاتے ہوئے کہا:میں مریخ پر تو نہیں تھا، اپنے دوستوں کے ساتھ ہی تھا۔نقاہت وکمزوری کے آثار اس پر واضح نظر آرہے تھے۔اس نے رندھی ہوئی آواز سے کہا: راشد! میں بہت تکلیف میں ہوں۔لگتا ہے بچے کی ڈلیوری کا وقت بہت ہی قریب آچکا ہے۔ یہ کہتے کہتے ایک خاموش آنسو اُس کے رخسار پر ڈھلک آیا۔اب میرے اندر یہ احساس جاگنے لگا کہ میں نے اپنی بیوی کے بارے میں انتہائی بے پروائی سے کام لیا ہے۔جبکہ میرا فرض یہ تھا کہ میں اس کا خیال رکھتا… خصوصاً جبکہ وہ نویں مہینے میں تھی۔ میں فوراً اسے ہسپتال لے گیا، اسے میٹرنٹی وارڈ()کے لیبر روم میں داخل کر لیا گیا، جہاں وہ کئی گھنٹے تکالیف و آلام