لشکر اسامہ رضی اللہ عنہ کی روانگی

’’ابوبکر رضی اللہ عنہ بیٹھے ہوئے تھے۔عمر رضی اللہ عنہ کی زبان سے تجویز سن کر اٹھ کھڑے ہوئے اور ان کی داڑھی پکڑ کر فرمایا: ’’اے ابن خطاب!ٍتیری ماں تجھے گم پائے!ٍجس شخص کو نبی کریم صلی اللہ علیہ وسلم نے امیرِ فوج بنایا،کیا تم مجھے حکم دیتے ہو،کہ میں اس منصب سے اسے علیحدہ کردوں؟‘‘ اس ذات کی قسم!ٍجس نے حضرت محمد مصطفی صلی اللہ علیہ وسلم کو حق کے ساتھ مبعوث فرمایا!ٍاگر نص کے مقابلے میں اکثریت کی رائے لائق اہمیت ہوتی،تو ان ابرار و صالحین کی رائے ہوتی،جن کے متعلق نبی کریم صلی اللہ علیہ وسلم کا فرمان ہے: ’’لَوْ اَنَّ الْأَنْصَارَ سَلَکُوا وَادِیًا اَوْ شِعْبًا،لَسَلَکْتُ فِيْ وَادِيْ الْأَنْصَارِ،وَلَوْلَا الْہِجْرَۃُ لَکُنْتُ امْرَئًا مِنَ الْأَنْصَارِ۔‘‘[1] ’’اگر انصار کسی وادی یا گھاٹی میں چلیں،تو میں انصار کی وادی میں چلوں گا،اور اگر ہجرت نہ ہوتی،تو میں انصار سے ہوتا۔‘‘ پھر انصار ہی وہ لوگ ہیں،جن کے بارے میں آنحضرت صلی اللہ علیہ وسلم کا ارشاد گرامی ہے: ’’اَلْأَنْصَارُ لَا یُحِبُّہُمْ اِلَّا مُؤْمِنٌ،وَلَا یُبْغِضُہُمْ اِلَّا مُنَافِقٌ،فَمَنْ أَحَبَّہُمْ أَحَبَّہُ اللّٰہُ،وَمَنْ أَبْغَضَہُمْ أَبْغَضَہُ اللّٰہُ۔‘‘[2] ’’انصار سے وہی شخص محبت رکھتا ہے،جو مومن ہے،اور وہی شخص ان سے بغض کرتا ہے،جو منافق ہے۔جس نے ان سے محبت کی،وہ اللہ تعالیٰ کا محبوب ٹھہرا اور جس نے ان سے بغض کا برتاؤ کیا،وہ اللہ تعالیٰ کی بارگاہ

[1] ملاحظہ ہو:صحیح البخاري،کتاب مناقب الأنصار،باب قول النبی صلي اللّٰهُ عليه وسلم ’’لولا الہجرۃ لکنت من الانصار‘‘،جزء حدیث نمبر ۳۷۷۹،عن أبي ہریرۃ رضی اللّٰهُ عنہ،۷/۱۱۲۔ [2] ملاحظہ ہو:المرجع السابق،باب حب الأنصار من الإیمان،حدیث نمبر ۳۷۸۳ عن أنس رضی اللّٰهُ عنہ،۷/۱۱۳۔