لا تیأسوا من روح اللّہ

’’یا رسول اللہ- صلی اللہ علیہ وسلم-! لوگوں میں سے سب سے کڑی آزمائش کن کی ہے؟‘‘ آنحضرت صلی اللہ علیہ وسلم نے فرمایا: ’’اَ لْأَنْبِیَائُ، ثُمَّ الْأَمْثَلُ فَالْأَمْثَلُ۔ یُبْتَلَی الْعَبْدُ عَلٰی حَسَبِ دِیْنِہٖ، فَإِنْ کَانَ فِيْ دِیْنِہٖ صُلْبًا اِشْتَدَّ بَلَآؤُہٗ۔ وَ إِنْ کَانَ فِيْ دِیْنِہٖ رِقَّۃٌ اُبْتُلِيَ عَلٰی حَسَبِ دِیْنِہٖ۔ فَمَا یَبْرَحُ الْبَلَآئُ بِالْعَبْدِ، حَتّٰی یَتْرُکَہٗ یَمْشِيْ عَلَی الْأَرْضِ، وَ مَا عَلَیْہِ مِنْ خَطِیْئَۃٍ۔‘‘[1] ’’انبیاء، پھر (دیگر لوگ) درجہ بدرجہ۔ بندے کی آزمائش اُس کے دین کے بقدر ہوتی ہے۔ اگر وہ اپنے دین میں مضبوط ہو، تو اس کی آزمائش کڑی ہوتی ہے۔ اگر اُس کے دین میں کمزوری ہو، تو اُسے (بھی) اس کے دین کے بقدر آزمایا جاتا ہے۔ آزمائش بندے کے ساتھ چمٹی رہتی ہے، یہاں تک کہ وہ اُسے اس حالت میں زمین پر چلتے ہوئے چھوڑتی ہے، کہ اُس کے ذمے کوئی گناہ نہیں رہتا۔‘‘ شرحِ حدیث: ملا علی قاری تحریر کرتے ہیں: [اَلْأَنْبِیَائُ] (حضراتِ) انبیاء علیہم السلام کی آزمائش سب سے شدید ہوتی ہے۔ [ثُمَّ الْأَمْثَلُ فَالْأَمْثَلُ] ابن الملک بیان کرتے ہیں: (رتبہ و منزلت میں) سب سے زیادہ

[1] جامع الترمذي، أبواب الزھد عن رسول اللّٰہ V، باب في الصبر علی البلآء، رقم الحدیث ۲۵۰۹، ۷/۶۶۔۶۷؛ وسنن ابن ماجہ، أبواب الفتن، باب الصبر علی البلآء، رقم الحدیث ۴۰۷۲، ۲/۳۸۶؛ الفاظ حدیث سنن ابن ماجہ کے ہیں۔ امام ترمذی نے اسے [حسن صحیح] کہا ہے اور شیخ البانی نے اُن کے ساتھ موافقت کی ہے۔ ملاحظہ ہو: جامع الترمذي ۷/۶۷؛ ؛ و صحیح سنن الترمذي ۲/۳۸۶؛ وصحیح سنن ابن ماجہ ۲/۳۷۱)۔