خلفائے رسول ص شخصیت،حالات زندگی،عہد خلافت

ان تمام فضائل ومناقب کی حامل عائشہ رضی اللہ عنہا جب بصرہ کے لیے روانہ ہوتی ہیں ، تو امہات المومنین رضی اللہ عنہن انھیں الوداع کہنے آتی ہیں ، گویا عائشہ رضی اللہ عنہا کو ان کا یہ پیغام ہے کہ ہم آپ کی حوصلہ افزائی کرتی ہیں اور ہم آپ کی حمایت میں ہیں ۔[1] چشمہ حوأب سے سیدہ عائشہ رضی اللہ عنہا کا گزر: متعدد صحیح سندوں سے یہ ثابت ہے کہ بصرہ جاتے ہوئے عائشہ رضی اللہ عنہا کا گزر چشمۂ ’’حوأب‘‘سے ہواتھا۔ چنانچہ یحییٰ بن سعید بن قطان، اسماعیل بن ابی خالد سے روایت کرتے ہیں اور وہ قیس بن حازم سے روایت کرتے ہیں کہ انھوں نے کہا کہ عائشہ رضی اللہ عنہا جب رات میں بنو عامر کے چشمے سے گزر رہی تھیں تو کتوں کے بھونکنے کی آواز سنی، آپ نے پوچھا: یہ کون سا چشمہ ہے ؟ لوگوں نے بتایا کہ یہ چشمۂ ’’حوأب‘‘ ہے۔ آپ کہنے لگیں : اب میں یہیں سے لوٹنے کا سوچ رہی ہوں ، کچھ لوگوں نے کہا: آپ ایسا نہ کریں ، چلیں تاکہ مسلمان آپ کو دیکھیں اور شاید اللہ تعالیٰ ان کے اختلاف کو ختم کردے، آپ کہنے لگیں :رسول اللہ صلی اللہ علیہ وسلم نے ایک دن مجھ سے کہا تھا: ((کَیْفَ بِاِحْدَاکُنَّ تنبح عَلَیْہَا کِلَابُ الْحَوأبِ۔))[2] ’’’اس وقت کیا ہوگا جب تم (بیویوں )میں سے کسی ایک پر چشمۂ حواب کے کتے بھونکیں گے۔‘‘ امیر لمومنین علی بن ابی طالب رضی اللہ عنہ کی کوفہ روانگی مدینہ میں اقامت گزیں صحابہ کرا م رضی اللہ عنہم مدینہ سے علی رضی اللہ عنہ کی منتقلی کی تائید میں نہ تھے۔ یہ بات اس وقت زیادہ ابھر کر سامنے آئی جب آپ نے معاویہ رضی اللہ عنہ کی رائے معلوم کرنے اور حالات کا جائزہ لینے کی خاطرشام جانے کا ارادہ ظاہر کیا۔[3]آپ سوچتے تھے کہ اس وقت اسلامی ریاست کے دیگر بڑے بڑے شہر جن اسباب ووسائل کے مالک ہیں ، مدینہ میں ترقی کے اب وہ بنیادی اجزاء واپس نہیں آسکتے۔ آپ نے کہا: ’’مالی استحکام اور افرادی قوت تو عراق میں ہے۔‘‘[4] جب ابو ایوب انصاری رضی اللہ عنہ کو آپ کا یہ رجحان معلوم ہوا تو کہا: اے امیرالمومنین! کیا ہی اچھا تھا کہ آپ یہیں قیام کرتے، یہ ایک محفوظ پناہ گاہ اور ہجرت گاہ رسول ہے، یہیں آپ صلی اللہ علیہ وسلم کا مدفن ومنبر اور اسلام کی جڑ ہے۔ اگر اہل عرب آپ کے تابع ہوجاتے ہیں تو آپ بھی اپنے پیشرؤں کی طرح رہیں گے اور اگر کوئی قوم آپ کے خلاف گروہ بندی کرتی ہے تو اسے اسی کے دشمن سے کچل سکیں گے اوراگر نکلنے ہی پر مجبور ہونا پڑے گا تو آپ نکلیں گے اور معذور سمجھے جائیں گے۔ چنانچہ امیرالمومنین رضی اللہ عنہ نے ابو ایوب رضی اللہ عنہ کا مشورہ مان لیا اور مدینہ میں اقامت

[1] دور المرأۃ السیاسی ص (۳۸۹) ۔ [2] مسند أحمد (۶؍ ۵۲)۔ [3] الثقات ؍ ابن حبان (۲؍ ۲۸۳) الأنصار فی العصر الراشدی ص (۱۶۱)۔ [4] ایضًا