خلفائے رسول ص شخصیت،حالات زندگی،عہد خلافت

مطالبہ کرنے لگے، وہ دونوں رسول اللہ صلی اللہ علیہ وسلم کی فدک کی زمین اور خیبر کا حصہ طلب کررہے تھے۔ ان دونوں سے ابوبکر رضی اللہ عنہ نے کہا: میں نے رسول اللہ صلی اللہ علیہ وسلم کو کہتے ہوئے سنا ہے: ((لَا نُوْرِثُ مَا تَرَکْنَا صَدَقَۃٌ إِنَّمَا یَأْکُلْ آلُ مُحَمَّدٍ مِنْ ہٰذَا الْمَالِ۔))[1] ’’ہمارا کوئی وارث نہیں ہوتا، جو کچھ ہم چھوڑیں وہ سب صدقہ ہے۔ بلا شبہ آل محمد اسی مال میں سے اپنا خرچ پوراکرے گی۔‘‘ دوسری روایت میں ہے کہ انھوں نے فرمایا کہ میں ایسی کوئی بات چھوڑ نہیں سکتا جو رسول اللہ صلی اللہ علیہ وسلم کرتے تھے، میں ڈرتا ہوں کہ اگر آپ کے کسی کام کو چھوڑ دوں تو ہلاک نہ ہو جاؤں ۔[2] سیّدہ عائشہ رضی اللہ عنہا سے روایت ہے، انھوں نے کہا کہ جب رسول اللہ صلی اللہ علیہ وسلم کی وفات ہوگئی تو آپ کی بیویوں نے چاہا کہ عثمان رضی اللہ عنہ کو ابوبکر رضی اللہ عنہ کے پاس بھیجیں ، تاکہ ان سے اپنی میراث طلب کریں ، لیکن عائشہ رضی اللہ عنہا نے انھیں یاد دلایا کہ کیا آپ صلی اللہ علیہ وسلم نے یہ نہیں فرمایا تھا: ((لَا نُوْرَثُ مَا تَرَکْنَا صَدَقَۃٌ۔))[3] ’’ہماری وراثت تقسیم نہیں ہوتی، ہم جو کچھ چھوڑجائیں وہ صدقہ ہے۔ ‘‘ ابو ہریرۃ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ((لَا یَقْتَسِمُ وَرَثَتِیْ دِیْنَارًا، مَا تَرَکْتُ بَعْدَ نَفَقَۃِ نِسَائِیْ وَمَؤُنَۃِ عَامِلِیْ فَہُوَ صَدَقَۃٌ۔))[4] ’’میرا ورثہ دینار کی شکل میں تقسیم نہ ہوگا، میں نے اپنی بیویوں کے اخراجات اور اپنے عاملوں کی اجرت کے بعد جو کچھ چھوڑا ہے وہ سب صدقہ ہے۔ ‘‘ پس میراث نبوی کے متعلق ابوبکر رضی اللہ عنہ نے فاطمہ رضی اللہ عنہا کے ساتھ جوبھی برتاؤ کیا انھیں فرامین نبوی کی پیروی، اور ارشاد نبوی کی بجاآوری میں کیا اور اسی لیے آپ یہ حوالہ دیتے رہے کہ میں ایسی کوئی بات چھوڑ نہیں سکتا جو رسول صلی اللہ علیہ وسلم کرتے تھے، میں بھی وہی کروں گا۔[5] اور یہ کہ واللہ! میں ایسی کوئی بات نہ ہونے دوں گا، بلکہ جسے میں نے رسول صلی اللہ علیہ وسلم کو کرتے دیکھا ہوگا وہ میں بھی کروں گا۔[6] چنانچہ جب ابوبکر صدیق رضی اللہ عنہ نے حدیث نبوی صلی اللہ علیہ وسلم سے دلیل دی، اور اسے واضح کیا تو فاطمہ رضی اللہ عنہا نے آپ سے اس سلسلے میں حجت ومطالبہ چھوڑ دیا۔ یہ اس بات کی دلیل ہے کہ آپ حق اور فرمان نبی کریم صلی اللہ علیہ وسلم کے

[1] صحیح البخاری، حدیث نمبر (۶۷۲۶)۔ [2] صحیح مسلم، حدیث نمبر (۱۷۵۹)۔ [3] صحیح البخاری، حدیث نمبر (۶۷۳۰)، صحیح مسلم (۱۷۵۸)۔ [4] صحیح البخاری (۳۰۹۶)۔ [5] صحیح مسلم، حدیث نمبر (۱۷۵۸)۔ [6] صحیح البخاری حدیث نمبر: (۶۷۲۶) ۔