خلفائے رسول ص شخصیت،حالات زندگی،عہد خلافت

پہلا باب: سیّدنا علی بن ابو طالب رضی اللہ عنہ مکہ میں (۱)نام و نسب، کنیت، اوصاف اور خاندان نام و نسب، کنیت اور لقب: نام و نسب: …آپ کا نام اور نسب یہ ہے: ’’علی بن ابی طالب (عبدمناف[1]) بن عبدالمطلب[2] بن ہاشم بن عبد مناف بن قصی بن کلاب بن مرہ بن کعب بن لؤی بن غالب بن فہر بن مالک بن نضر بن کنانہ بن خزیمہ بن مدرکہ بن الیاس بن مضر بن نزار بن معد بن عدنان۔[3] آپ رسول اللہ صلی اللہ علیہ وسلم کے چچا زاد بھائی تھے۔ آپ کے دادا عبدالمطلب بن ہاشم پر آپ کا نسب خاندان نبوت سے مل جاتا ہے۔ عبدالمطلب کے صاحبزادے ابوطالب ، نبی کریم صلی اللہ علیہ وسلم کے والد عبداللہ کے حقیقی بھائی تھے، آپ کی ولادت کے وقت آپ کی ماں نے اپنے باپ اسد بن ہاشم کے نام پر آپ کا نام ’’اسد‘‘ رکھاتھا، اسی لیے غزوۂ خیبر کے موقع پر آپ نے رجزیہ اشعا رپڑھتے ہوئے کہا تھا: أَنَا الَّذِیْ سَمَّتْنِیْ أُمِّي حَیْدَرَۃ کَلَیْثِ غَابَاتٍ کَرِیْہِ الْمَنْظَرَۃ ’’میں وہ شخص ہوں کہ میری ماں نے میرا نام حیدرہ [4]رکھا ہے، جیسے جنگل کا ببر شیر کہ جسے خوف سے کوئی دیکھنے کو تیار نہ ہو۔‘‘ جب آپ کی ماں نے آپ کا یہ نام رکھا تھا اس وقت ابوطالب گھر میں موجود نہ تھے، جب آئے تو آپ کو یہ نام پسند نہ آیا اور آپ کا نام علی رکھ دیا۔[5] کنیت:… آپ کی کنیت ابوالحسن ہے۔ یہ نسبت آپ کے بڑے صاحبزادے حسن رضی اللہ عنہ کی طرف ہے جو کہ فاطمہ بنت رسول اللہ صلی اللہ علیہ وسلم کے بطن سے پیدا ہوئے۔ آپ کی کنیت ابوتراب بھی ہے، اس کنیت سے آپ کو

[1] ابوطالب کا نام عبد مناف ہے۔ [2] عبدالمطلب کا نام شیبۃ الحمد ہے۔ الاستیعاب (۳؍۱۰۸۹) [3] الطبقات الکبریٰ (۳؍۱۹) صفۃ الصفوۃ (۱؍۳۰۸) البدایۃ والنہایۃ (۷؍۳۳۳) الإصابۃ (۱؍۵۰۷) الاستیعاب (۱؍۱۰۸۹) المنتظم (۵؍۶۶) المعجم الکبیرللطبرانی(۱؍۵۰)۔ [4] حیدرہ شیر کے ناموں میں سے ایک نام ہے۔ [5] الریاض النضرۃ فی مناقب العشرۃ، ص: ۶۱۷۔