خلفائے رسول ص شخصیت،حالات زندگی،عہد خلافت

کھاؤ تمہاری پڑوسن (یعنی عائشہ رضی اللہ عنہا ) تمہارے مقابلہ میں اللہ کے رسول صلی اللہ علیہ وسلم کو زیادہ محبوب ہیں اور ان کا درجہ بلند ہے۔ اللہ کے رسول صلی اللہ علیہ وسلم دوبارہ مسکرانے لگے۔ میں نے کہا: اے اللہ کے رسول! کیا میں آپ سے کچھ دیر انسیت حاصل کرسکتا ہوں ؟ آپ نے فرمایا: ہاں ۔ عمر رضی اللہ عنہ کا کہنا ہے کہ پھر میں بیٹھ گیا اور گھر میں نگاہ دوڑائی، اللہ کی قسم! اس میں مجھے تین چمڑوں کے علاوہ کچھ نظر نہ آیا۔ میں نے کہا: اے اللہ کے رسول! اللہ سے دعا کریں کہ آپ کی امت پر کشادگی کر دے جس طرح فارس و روم والوں پر دولت کی بہتات کی گئی ہے، حالانکہ وہ اللہ کی عبادت نہیں کرتے۔ آپ صلی اللہ علیہ وسلم برابر ہوبیٹھے اور فرمایا: (( أَفِیْ شَکٍ أَنْتَ یَابْنَ الْخَطَّابِ؟ اُولٰئِکَ قَوْمخ عجلت لَہُمْ طَیِّبَاتِہِمْ فِی الْحَیَاۃِ الدُّنْیَا۔)) ’’اے ابن خطاب! کیا تم شک میں ہو؟ وہ ایسی قوم ہے کہ اس کے لیے اس کی کشادگی ومرغوبات کو دنیوی زندگی میں جلدی دیا گیا ہے۔‘‘ میں نے کہا: اے اللہ کے رسول! میری بخشش کے لیے دعا کردیجیے۔ آپ صلی اللہ علیہ وسلم نے ان (بیویوں ) پر سخت غصہ کی وجہ سے قسم کھا لی تھی کہ ان کے پاس ایک مہینے تک نہیں جائیں گے۔ یہاں تک کہ اللہ تعالیٰ نے عتاب فرمایا۔ [1] سیّدنا عمر فاروق رضی اللہ عنہ کے فضائل ومناقب بلاشبہ امیر المومنین عمر بن خطاب رضی اللہ عنہ فضل ومنقبت میں ابوبکر صدیق رضی اللہ عنہ کے بعد ہیں ۔ آپ انبیاء ومرسلین اور ابوبکر رضی اللہ عنہ کے بعد تمام انسانوں میں بلا قید و شرط سب سے افضل ہیں ۔ آپ کی افضلیت سے متعلق مسلمانوں کا یہی عقیدہ ہونا چاہیے اور یہی فرقۂ ناجیہ یعنی اہل سنت و الجماعت کا عقیدہ ہے۔ [2] آپ کے فضائل ومناقب کے بارے میں بہت سی احادیث اور اخبار وارد ہیں ، انہی میں سے بعض یہ ہیں : ۱: آپ کا علم اور دین وایمان: آپ کے ایمانی مقام ومرتبہ کے بارے میں عبداللہ بن ہشام سے روایت ہے، انہوں نے فرمایا کہ ہم نبی صلی اللہ علیہ وسلم کے ساتھ تھے، آپ عمر بن خطاب کا ہاتھ پکڑے ہوئے تھے۔ عمر رضی اللہ عنہ نے آپ صلی اللہ علیہ وسلم سے کہا: اے اللہ کے رسول ! آپ میرے نزدیک ہر چیز سے زیادہ محبوب ہیں سوائے میری جان کے۔ آپ صلی اللہ علیہ وسلم نے فرمایا: (( لَا، وَالَّذِیْ نَفْسِیْ بِیَدِہٖ ، حَتّٰی أَکُوْنَ أَحَبَّ إِلَیْکَ مِنْ نَّفْسِکَ۔)) ’’نہیں (تم مومن نہیں ہوسکتے)، قسم ہے اس ذات کی جس کے ہاتھ میں میری جان ہے، یہاں تک

[1] مسند أحمد، حدیث نمبر: ۲۲۲۔ الموسوعۃ الحدیثیۃ۔ اس کی سند شیخین کی شرط کے مطابق ہے۔ [2] عقیدہ اہل السنۃ والجماعۃ فی الصحابۃ الکرام۔ د/ ناصر بن علی عائض حسن الشیخ: ۱/ ۲۴۳