خواتین سے متعلق پچاس احادیث

بسم اللّٰهِ الرحمن الرحیم عرض مرتب الحمد للّٰهِ رب العالمین،والصلاۃ والسلام علی نبیہ الکریم،سیدنا محمد وعلی آلہ وصحبہ ومن تبعھم بإحسان إلی یوم الدین۔أما بعد: ہر مومن کا یہ عقیدہ ہے کہ کتاب اللہ اور سنت رسول اللہ(صلی اللہ علیہ وسلم)اسلام کے بنیادی مصادر ہیں جن کا ایک ایک حرف حق اور ایک ایک حکم ہر مسلمان کے لیے واجب التعمیل ہے۔ اس حکم کو نظریاتی طور پر ماننے کے ساتھ ہرمسلمان مرد وزن کے لیے یہ بھی ضروری ہے کہ قرآن کی کوئی آیت اور نبی اکرم صلی اللہ علیہ وسلم کی کوئی حدیث جب اس کے سامنے آئے تو بلا چوں وچرا اس کے سامنے سر تسلیم خم کردے اور اسے اپنی عملی زندگی کا حصہ بنالے۔یہ رب کائنات کا حکم ہے،چنانچہ ارشاد ہے:﴿وَمَا کَانَ لِمُؤْمِنٍ وَلَا مُؤْمِنَۃٍ إِذَا قَضَی اللّٰهُ وَرَسُولُہُ أَمْراً أَن یَکُونَ لَہُمُ الْخِیَرَۃُ مِنْ أَمْرِہِمْ وَمَن یَعْصِ اللّٰهَ وَرَسُولَہُ فَقَدْ ضَلَّ ضَلَالاً مُّبِیْناً﴾(سورہ احزاب:۳۶) یعنی کسی مومن مرد اورمومنہ عورت کے لیے جائز نہیں کہ جب اللہ اور اس کے رسول کوئی فیصلہ صادر کردیں توان کا اپنا کوئی اختیار باقی رہے اور جو کوئی بھی اللہ اور اس کے رسول کی نافرمانی کرے گا وہ کھلی گمراہی میں پڑے گا۔ اللہ کا شکر ہے کہ کتاب وسنت کی روشن تعلیمات پر براہ راست عمل کرنے