خواتین سے متعلق پچاس احادیث

کے لیے برداشت کرتی ہے۔باپ اس میں شریک نہیں ہوتا۔(۱)۹مہینے تک حمل کی تکلیف۔(۲)زچگی کی تکلیف‘ جس میں عورت کو موت وحیات کی کشمکش کے جاں گداز مرحلے سے گزرنا پڑتا ہے۔(۳)پھر دو سال تک رضاعت(دودھ پلانے)کی تکلیف۔جس میں اس کی راتوں کی نیند بھی خراب ہوتی ہے‘ اس کا حسن اور صحت بھی متاثر ہوتی ہے اور بچے کے آرام وراحت کے لیے بعض دفعہ خوراک میں بھی احتیاط اور پرہیز کی ضرورت پیش آتی ہے۔ حدیث نمبر(۴) ماں اگر غیر مسلم بھی ہو ۳۲۷-﴿عَنْ أَسْمَائَ بِنْتِ أَبِيْ بَکْرِ الصِّدِّیْقِ رَضِيَ اللّٰہُ عَنْھُمَا قَالَتْ:قَدِمَتْ عَلَيَّ أُمِّيْ وَھِيَ مُشْرِکَۃٌ فِيْ عَھْدِ رَسُوْلِ اللّٰہِ صلی اللّٰه علیہ وسلم،فَاسْتَفْتَیْتُ رَسُوْلَ اللّٰہِ صلی اللّٰه علیہ وسلم قُلْتُ:قَدِمَتْ عَلَيَّ أُمِّيْ وَھِيَ رَاغِبَۃٌ،أَفَأَصِلُ أُمِّيْ؟ قَالَ:’’نَعَمْ صِلِيْ أُمَّکِ﴾،(متفق علیہ) وقولھا:﴿راغبۃ﴾أي:طامعۃ عندي تسألني شیئا؛ قیل:کانت أمھا من النسب،وقیل:من الرضاعۃ،والصحیح الأول۔ حضرت اسماء بنت ابی بکر صدیق رضی اللہ عنہما روایت کرتی ہیں کہ میری ماں‘ جب کہ وہ ابھی مشرکہ تھیں‘ رسول اللہ صلی اللہ علیہ وسلم(اور مشرکین کے درمیان ہونے والے)معاہدہ حدیبیہ کے دوران میرے پاس آئیں‘ میں نے رسول اللہ صلی اللہ علیہ وسلم سے پوچھا کہ میری والدہ آئی ہیں اور مجھ سے حسن سلوک کی خواہش مند ہیں‘ کیا میں(ان کی خواہش کے مطابق)اپنی والدہ سے صلہ رحمی(حسن سلوک)کروں؟ آپ صلی اللہ علیہ وسلم نے فرمایا‘ ہاں‘ تم اپنی والدہ سے صلہ رحمی کرو۔(بخاری ومسلم)