خواتین سے متعلق پچاس احادیث

حضرت عائشہ رضی اللہ عنہا بیان فرماتی ہیں کہ میرے پاس ایک عورت اس حال میں آئی کہ اس کے ساتھ اس کی دو بیٹیاں تھیں،وہ سوال کررہی تھی۔اس نے میرے پاس سوائے ایک کھجور کے،کچھ نہ پایا،چنانچہ وہ کھجور میں نے اسے دے دی،اس نے اس کے دو حصے کرکے اپنی دونوں بیٹیوں میں تقسیم کردیا اور خود اس میں سے کچھ نہیں کھایا،پھر کھڑی ہوئی اور چلی گئی،پھر جب نبی صلی اللہ علیہ وسلم ہمارے پاس تشریف لائے تو میں نے ان کویہ بات بتلائی تو آپ نے فرمایا،جس کو ان بیٹیوں میں سے کسی معاملے کے ساتھ آزمایا جائے،پس وہ ان کے ساتھ اچھا برتاؤ کرے تو وہ بیٹیاں اس کے لیے جہنم کی آگ سے پردہ بن جائیں گی۔(بخاری ومسلم) تخریج:صحیح بخاری،کتاب الزکاۃ،باب ’’اتقوا النار ولو بشق تمرۃ‘‘ وکتاب الأدب۔وصحیح مسلم،کتاب البر والصلۃ،باب فضل الإحسان إلی البنات۔ فوائد:اس میں بھی بچیوں کے ساتھ حسن سلوک کی فضیلت اور اس کا اجر عظیم بیان کیا گیا ہے۔کہ بیٹیاں جہنم کی آگ سے بچاؤ کا باعث ہوں گی،اس لیے ان سے نفرت کرنا اور انھیں بوجھ سمجھنا کم از کم ایک مسلمان کو زیب نہیں دیتا۔ حدیث نمبر(۳) عورت بحیثیت ماں ۳۱۸-﴿عَنْ أَبِيْ ھُرَیْرَۃَ رَضِيَ اللّٰہُ عَنْہُ قَالَ:جَائَ رَجُلٌ إِلیٰ رَسُوْلِ اللّٰہِ صلی اللّٰه علیہ وسلم فَقَالَ:یَا رَسُوْلَ اللّٰہِ!مَنْ أَحَقُّ النَّاسِ بِحُسْنِ صَحَابَتِيْ؟ قَالَ:’’أُمُّکَ‘‘،قَالَ:ثُمَّ مَنْ؟ قَالَ:’’أُمُّکَ‘‘ قَالَ:ثُمَّ مَنْ،قَالَ:’’أُمُّکَ‘‘،قَالَ ثُمَّ مَنْ؟ قَالَ:’’أَبُوْکَ﴾،(متفق علیہ)۔وفي روایۃ:﴿ یَا رَسُوْلَ اللّٰہِ!مَنْ أَحَقُّ بِحُسنِ الصُّحْبَۃِ؟ قَالَ: