کتاب: ختم نبوت - صفحہ 86
3. سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا :
رُؤْیَا الْمُسْلِمِ جُزْئٌ مِنْ خَمْسٍ وَّأَرْبَعِینَ جُزْئً ا مِّنَ النُّبُوَّۃِ ۔
’’مسلمان کا خواب نبوت کا پنتالیسواں جزو ہے۔‘‘
(صحیح مسلم : 2263)
4. سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا :
رُؤْیَا الْمُؤْمِنِ جُزْئٌ مِّنْ سِتَّۃٍ وَّأَرْبَعِینَ جُزْئً ا مِّنَ النُّبُوَّۃِ ۔
’’مومن کا خوا ب نبوت کا چھیالیسواں جزء ہے۔‘‘
(صحیح البخاري : 6988، صحیح مسلم : 2263)
5. سیدنا عبد اللہ بن عمر رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا :
اَلرُّؤْیَا الصَّالِحَۃُ جُزْئٌ مِّنْ سَبْعِینَ جُزْئً ا مِّنَ النُّبُوَّۃِ ۔
’’سچے خواب نبوت کا سترواں جزو ہیں ۔‘‘
(صحیح مسلم : 2265)
6. سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا :
إِذَا اقْتَرَبَ الزَّمَانُ لَمْ تَکَدْ تَکْذِبُ، رُؤْیَا الْمُؤْمِنِ وَرُؤْیَا الْمُؤْمِنِ جُزْئٌ مِّنْ سِتَّۃٍ وَّأَرْبَعِینَ جُزْئً ا مِّنَ النُّبُوَّۃِ وَمَا کَانَ مِنَ النُّبُوَّۃِ فَإِنَّہٗ لَا یَکْذِبُ ۔
’’جب قیامت قریب ہو گی، تو مومنوں کو سچے خواب آئیں گے، مومن کا خواب نبوت کا چھیالیسواں جزو ہوتا ہے اور جو نبوت کا جزو ہو، وہ جھوٹ نہیں ہوتا۔‘‘
(صحیح البخاري : 7017، صحیح مسلم : 2263)