کتاب: ختم نبوت - صفحہ 38
’’اس حدیث کو امام احمد اور امام طبرانی رحمہما اللہ نے بیان کیا ہے اور امام احمد والی روایت کے سارے راوی صحیح بخاری کے ہیں ، سوائے فاطمہ بنت علی کے اور وہ ثقہ ہیں ۔‘‘ (مَجمع الزّوائد : 9/109)
18. سیدہ عائشہ رضی اللہ عنہا بیان کرتی ہیں کہ رسول اللہ صلی اللہ علیہ وسلم نے فرمایا :
لَا یَبْقٰی بَعْدِي مِنَ النُّبُوَّۃِ شَيْئٌ إِلَّا الْمُبَشَّرَاتُ، قَالُوا : یَا رَسُولَ اللّٰہِ! وَمَا الْمُبَشَّرَاتُ؟ قَالَ : الرُّؤْیَا الصَّالِحَۃُ یَرَاھَا الرَّجُلُ أَوْ تُرٰی لَہٗ ۔
’’میرے بعد نبوت ختم ہوجائے گی اور مبشرات باقی رہیں گے، صحابہ ] نے عرض کیا : اللہ کے رسول! مبشرات کیا ہیں ؟ فرمایا : نیک خواب، جو آدمی خود دیکھتا ہے یا اس کے بارے میں کوئی اور آدمی دیکھتا ہے۔‘‘
(زوائد مسند أحمد : 6/129، مسند البزّار : 2118، وسندہٗ حسنٌ)
19. سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا :
لَمْ یَبْقَ مِنَ النُّبُوَّۃِ إِلَّا الْمُبَشَّرَاتُ، قَالُوا : وَمَا الْمُبَشَّرَاتُ؟ قَالَ : الرُّؤْیَا الصَّالِحَۃُ ۔
’’نبوت ختم ہوچکی اب صرف مبشرات باقی ہیں ، صحابہ نے عرض کیا : مبشرات کیا ہیں ؟ فرمایا : نیک خواب۔‘‘(صحیح البخاري : 6990)
20. سیدنا حذیفہ بن اسید رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا :
ذَھَبَتِ النُّبُوَّۃُ، فَلَا نُبُوَّۃَ بَعْدِي إِلَّا الْمُبَشَّرَاتُ، قِیْلَ : وَمَا الْمُبَشَّرَاتُ؟ قَالَ : الرُّؤْیَا الصَّالِحَۃُ یَرَاھَا الرَّجُلُ أَوْ تُرٰی لَہٗ ۔