’’صحاح‘‘ میں ہے کہ عاقب کا معنی آخری نبی ہے۔ ہر چیز جو کسی کے بعد آئے، عاقب کہلاتی ہے۔‘‘ (شرح الشّفا : 1/490) نیز مقفی کا معنی بیان کرتے ہوئے لکھتے ہیں : الْمَعْنٰی أَنَّہٗ آخِرُ النَّبِیِّینَ فَإِذَا قَفّٰی فَلَا نَبِيَّ بَعْدَہٗ ۔ ’’معنی یہ کہ نبی کریم صلی اللہ علیہ وسلم آخری نبی ہیں ،جب آپ آخری ہیں ، تویقینا آپ کے بعد کوئی نبی نہیں ۔‘‘ (شرح الشّفا : 1/495) مزید لکھتے ہیں : إِنَّہٗ آخِرُ الْـأَنْبِیَائِ الْآتِي عَلٰی أَثَرِہِمْ، لَا نَبِيَّ بَعْدَہٗ ۔ ’’نبی صلی اللہ علیہ وسلم انبیا کے بعد آخر میں آنے والے ہیں ، آپ کے بعد کوئی نبی نہیں ۔‘‘ (مِرقاۃ المَفاتِیح : 9/3697) ٭٭٭٭٭