جنات و جادو کا علاج ( جو آپ خود کر سکتے ہیں )

نظرِ بد کا علاج و دَم نظرِ بد لگ جاتی ہے ، اس کا پتہ قرآن کریم ([1]) اور حدیثِ شریف سے بھی پتہ چلتا ہے ۔ نبی صلی اللہ علیہ وسلم نے فرمایا ہے کہ ’’ نظر برحق ہے ۔‘‘ ([2])اور ایک حدیث میں آپ صلی اللہ علیہ وسلم نے یہ بھی فرمایا ہے کہ ’’ اللہ کی قضاء و قدر کے بعد میری امت کے اکثر لوگوں کی موت کا سبب یہی[ نظرِ بد ]ہوگی ‘‘۔ ([3]) خود نبی صلی اللہ علیہ وسلم بیمار ہوئے تو حضرت جبرائیل علیہ السلام نے آپ صلی اللہ علیہ وسلم کو دَم کیااور یہ دعاء پڑھی: (( بِسْمِ اللّٰہِ یُبْرِیْکَ،وَمِنْ کُلِّ دَائٍ یَشْفِیْکَ وَ مِنْ شَرِّ حَاسِدٍ اِذَا حَسَدَ، وَ مِنْ کُلِّ ذِیْ عَیْنٍ ))۔ [4] ’’(میں )اللہ کے نام سے (دَم کرتا ہوں )وہ آپ ( صلی اللہ علیہ وسلم )کو ہر چیز سے شفاء عطا کرے گا ،حاسد کے حسد سے ، اور ہر نظرِ بد والے کے شرّ سے بھی۔‘‘ جبریل علیہ السلام کے اس دَم میں بھی نظرِ بد کا ذکر موجود ہے ۔

[1] سورۃ یوسف ، آیت : ۶۷ مع تفسیرہ ۔ٖحضرت یعقوب علیہ السلام نے اپنے بیٹوں کو اِسی نظرِ بد سے بچانے کیلئے الگ الگ دروازوں سے شہر میں داخل ہونے کا حکم فرمایا تھا ،اسی طرح سورۃ القلم آیت: ۵۱۔۵۲ مع تفسیرہٖ اور سورۃ الفلق کی آخری آیت سے بھی یہی ظاہر ہوتا ہے اوریہی بات مسند ابو یعلیٰ،معجم طبرانی کبیر اور مستدرک حاکم میں بھی آئی ہے، دیکھیٔے: صحیح الجامع: ۵۵۶ طبع دوم [2] بخاری ۴؍۴۴ ، حدیث : ۵۷۴۰ عن ابی ہریرہ رضی اللہ عنہ ، مسلم۴؍۱۷۱۹، حدیث :۲۱۸۸ ، ترمذی ، مستدرک حاکم و ابن ماجہ ، صحیح الجامع ۱؍۲۲۳، حدیث : ۹۳۸عن عائشہ رضی اللہ عنہا [3] مسندبزار ، طیالسی ، تاریخ امام بخاری ، الاحادیث المختارہ للضیاء المقدسی ، صحیح الجامع الصغیر للالبانی ۱؍۲۶۳ ، حدیث : ۱۲۰۶ [4] صحیح مسلم ۴؍۱۷۱۸ ،حدیث : ۲۱۸۵