کتاب: جہاد کے مسائل - صفحہ 97
حضرت ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ’’اللہ تعالیٰ فرماتا ہے جو شخص میری راہ میں اس طرح نکلا کہ میری راہ میں جہاد، مجھ پر ایمان اور میرے رسولوں کی تصدیق نے ہی اسے نکلنے پر مجبور کیا تو میری یہ ذمہ داری ہے کہ میں اسے جنت میں داخل کروں یا اسے اس کے مسکن تک جہاں سے وہ نکلا ہے ، اس طرح واپس لاؤں کہ وہ اجر یا غنیمت سے مالامال ہو، اس ذات کی قسم جس کے ہاتھ میں محمد( صلی اللہ علیہ وسلم )کی جان ہے اللہ کی راہ میں کسی شخص کو جو بھی زخم آئے گا وہ قیامت کے دن اسی زخمی حالت میں اللہ کے حضور پیش ہوگا۔ اس زخم کا رنگ تو خون کا ہوگا لیکن اس کی خوشبو مشک کی ہوگی۔ اس ذات کی قسم جس کے ہاتھ میں محمد( صلی اللہ علیہ وسلم ) کی جان ہے اگر میری امت کے لئے تکلیف دہ نہ ہوتا تو میں اللہ کی راہ میں لڑی جانے والی کسی بھی جنگ میں پیچھے نہ رہتا لیکن نہ تو میرے پاس اتنی وسعت ہے کہ میں ان سب کو سامان جنگ مہیا کرسکوں اور نہ ان کو خود ہی اس قدر وسعت حاصل ہے۔ مسلمانوں کو یہ بھی ناگوار گزرتا ہے کہ میں کسی مہم کے لئے نکلوں اور وہ پیچھے رہ جائیں۔ اس ذات کی قسم جس کے ہاتھ میں محمد( صلی اللہ علیہ وسلم )کی جان ہے میری خواہش ہے کہ میں اللہ کی راہ میں لڑوں اور مارا جاؤں ،پھر لڑوں پھر مارا جاؤں،پھر لڑوں پھر مارا جاؤں۔‘‘ اسے مسلم نے روایت کیا ہے۔
مسئلہ 59 جنت تلواروں کے سائے تلے ہے۔
عَنْ اَبِیْ مُوْسٰی قَالَ : قَالَ رَسُوْلُ اللّٰہِ صلی اللّٰه علیہ وسلم (( اَنَّ اَبْوَابَ الْجَنَّۃِ تَحْتَ ظِلاَلِ السُّیُوْفِ )) رَوَاہُ مُسْلِمٌ [1]
حضرت ابو موسیٰ رضی اللہ عنہ کہتے ہیں رسول اللہ صلی اللہ علیہ وسلم نے فرمایا ’’جنت کے دروازے تلواروں کے سائے تلے ہیں۔‘‘ اسے مسلم نے روایت کیا ہے۔
مسئلہ 60 جہاد کی برکت سے دین اسلام قیامت تک قائم رہے گا۔
عَنْ جَابِرِ بْنِ سَمُرَۃَ عَنِ النَّبِیِّ صلي اللّٰه عليه وسلم اَنَّہٗ قَالَ (( لَنْ یَبْرَحَ ہٰذَا الدِّیْنُ قَائِمًا یُقَاتِلُ عَلَیْہِ عِصَابَۃٌ مِنَ الْمُسْلِمِیْنَ حَتّٰی تَقُوْمَ السَّاعَۃُ )) رَوَاہُ مُسْلِمٌ[2]
حضرت جابر بن سمرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ’’قیامت تک یہ دین قائم رہے گا کیونکہ مسلمانوں کی ایک جماعت (ہر زمانے میں غلبہ دین کے لئے) جہاد کرتی رہے گی۔‘‘ اسے
[1] کتاب الامارۃ ، باب ثبوت الجنۃ للشہید
[2] کتاب الامارۃ ، باب قولہ صلی اللّٰه علیہ وسلم ((لا تزال طائفۃ من امتی ))