جھوٹ کی سنگینی اور اس کی اقسام

(۱۰) مزاحاً جھوٹ بولنا بعض لوگ مزاح کی خاطر جھوٹ بولتے ہیں ۔ شریعت اسلامیہ میں اس سے بچنے کی تاکید فرمائی گئی ہے۔ توفیق الٰہی سے ذیل میں قدرے تفصیل سے اس بارے میں گفتگو پیش کی جارہی ہے: ا:جھوٹ کا سنجیدگی و مذاق میں نادرست ہونا: حضرات ائمہ وکیع ، ھناد اور بخاری نے حضرت عبداللہ رضی اللہ عنہ سے روایت نقل کی ہے ، کہ انہوں نے بیان فرمایا: ’’ لَا یَصْلُحُ الْکَذِبُ فِيْ جِدٍّ وَلَا ھَزَلٍ۔‘‘ [1] ’’جھوٹ نہ سنجیدگی میں درست ہے اور نہ مذاق میں ۔‘‘ امام بخاری نے اس پر درج ذیل باب قائم کیا ہے: [بَابٌ لَا یَصْلُحُ الْکَذِبُ] [2] [جھوٹ کے نادرست ہونے کے متعلق باب] ب: مزاحاً جھوٹ ترک کیے بغیر ایمان کا نا مکمل رہنا: امام احمد نے حضرت ابو ہریرہ رضی اللہ عنہ سے روایت نقل کی ہے ، کہ انہوں نے بیان کیا ، کہ رسول اللہ صلی اللہ علیہ وسلم نے ارشاد فرمایا: ’’ لَا یُوْمِنُ الْعَبْدُ الْإِیْمَانَ کُلَّہُ حَتَّی یَتْرُکَ الْکَذِبَ مِنَ الْمُزَاحَۃِ ،

[1] کتاب الزھد للإمام وکیع ، باب الکذب والصدق ، رقم الروایۃ ۳۹۵۔۱, ۳؍۶۹۵؛ والزھد للإمام ھناد، باب الصدق والکذب ، رقم الروایۃ ۱۳۹۳، ۳؍۲۴۳؛ والأدب المفرد ، جزء من رقم الروایۃ ۳۸۸، ص ۱۴۰۔ الفاظ حدیث الأدب المفرد کے ہیں۔ شیخ البانی نے اسے [صحیح] قرار دیا ہے۔ (ملاحظہ ہو: صحیح الأدب المفرد ص۱۱۲؛ نیز ملاحظہ ہو: ھامش کتاب الزھد ۳؍۶۹۵۔۶۹۶)۔ [2] الأدب المفرد ص ۱۴۰۔