جھوٹ کی سنگینی اور اس کی اقسام

۱:عظیم گناہوں میں سے ایک: امام بخاری نے حضرت واثلہ بن اسقع رضی اللہ عنہ سے روایت نقل کی ہے ، کہ وہ بیان کرتے ہیں ، کہ رسول اللہ صلی اللہ علیہ وسلم نے ارشاد فرمایا: ’’ إِنَّ مِنْ أَعْظَمِ الفِرَی أَنْ یَدَّعِيْ الرَّجُلُ إِلیٰ غَیْرِ أَبِیْہِ … الحدیث‘‘[1] ’’بلاشبہ حیران و ششدر کرنے والے عظیم جھوٹوں میں سے ہے ، کہ آدمی اپنے باپ کی بجائے کسی اور کی طرف نسبت کرے… الحدیث‘‘ ۲:باپ کی طرف نسبت نہ کرنے والے پر حکمِ کفر: ۱: امام بخاری اور امام مسلم نے حضرت ابو ہریرہ رضی اللہ عنہ کے حوالے سے نبی کریم صلی اللہ علیہ وسلم سے روایت نقل کی ہے ، کہ آپ صلی اللہ علیہ وسلم نے فرمایا: ’’ لَا تَرْغَبُوْا عَنْ آبَائِکُمْ۔ فَمَنْ رَغِبَ عَنْ أَبِیْہِ فَقَدْ کَفَرَ۔‘‘ [2] ’’اپنے باپوں سے بے رغبتی نہ کرو۔ پس جس نے اپنے باپ سے بے رغبتی کی، یقینااس نے کفر کیا۔‘‘ اور [باپوں سے بے رغبتی نہ کرنے] سے مراد یہ ہے ، کہ ان کی طرف نسبت کرنے میں بے رغبتی نہ کرو۔ اور [اپنے باپ سے بے رغبتی کرنے] سے مراد اس کی طرف نسبت کا انکار کرتے ہوئے، اس کو چھوڑ کر کسی اور کی طرف اپنی نسبت کرنا ہے۔ [3]

[1] صحیح البخاری،کتاب المناقب،باب ، جزء من رقم الحدیث ۳۵۰۹،۶؍۵۴۰۔ [2] متفق علیہ: صحیح البخاري، کتاب الفرائض،باب من ادّعی إلی غیر أبیہ ، رقم الحدیث ۶۷۶۸، ۱۲؍۵۴؛ وصحیح مسلم ، کتاب الإیمان،باب بیان حال إیمان من رغب عن أبیہ وھو یعلم ، رقم الحدیث ۱۱۳(۶۲)، ۱؍۸۰۔ الفاظِ حدیث صحیح البخاری کے ہیں۔ [3] ملاحظہ ہو: شرح النووی ۲؍۵۲؛ و مرقاۃ المفاتیح ۶؍۴۷۷۔