کتاب: جھوٹ کی سنگینی اور اس کی اقسام - صفحہ 105
۴: جہنم میں داخلہ :
اس پر دلالت کناں احادیث میں سے دو درج ذیل ہیں :
ا۔ امام بخاری اور امام مسلم نے حضرت علی رضی اللہ عنہ سے روایت نقل کی ہے، کہ وہ فرماتے ہیں ، کہ نبی کریم صلی اللہ علیہ وسلم نے ارشاد فرمایا:
’’ لَا تَکْذِبُوْا عَلَيَّ ، فَإِنَّہُ مَنْ کَذَبَ عَلَيَّ فَلْیَلِجِ النَّارَ۔‘‘[1]
’’مجھ پر جھوٹ نہ باندھو، کیوں کہ جس نے مجھ پر جھوٹ باندھا، سو وہ [جہنم کی] آگ میں داخل ہو جائے گا۔‘‘
امام مسلم کی روایت میں ہے:
’’ فَإِنَّہُ مَنْ یَکْذِبْ عَلَيَّ یَلِجِ النَّارَ۔‘‘ [2]
’’پس بلاشبہ جو مجھ پر جھوٹ باندھے، وہ [جہنم کی]آگ میں داخل ہو گا۔‘‘
اور سنن ابن ماجہ میں ہے:
’’ اَلْکَذِبُ عَلَيَّ یُوْلِجُ النَّارَ۔‘‘ [3]
’’مجھ پر جھوٹ[دوزخ کی] آگ میں داخل کرے گا۔‘‘
امام بخاری نے مذکورہ بالا حدیث پر ان الفاظ میں عنوان قائم کیا ہے:
[بَابُ إِثْمِ مَنْ کَذَبَ عَلَی النَّبِيِّ صلي اللّٰه عليه وسلم ] [4]
[نبی صلی اللہ علیہ وسلم پر جھوٹ باندھنے والے شخص کے گناہ کے متعلق باب]
امام نووی نے صحیح مسلم کی روایت پر درج ذیل عنوان باندھا ہے:
[1] متفق علیہ: صحیح البخاري، کتاب العلم، رقم الحدیث ۱۰۶، ۱؍۱۹۹؛ وصحیح مسلم ، المقدمۃ ، رقم الحدیث ۱(۱)، ۱؍۹-الفاظ حدیث صحیح البخاري کے ہیں۔
[2] صحیح مسلم ، المقدمۃ، رقم الحدیث ۱ (۱)، ۱؍۹۔
[3] سنن ابن ماجہ ، المقدمۃ ، رقم الحدیث ۲۶،۱؍۹۔
[4] صحیح البخاري، کتاب العلم ، ۱؍۱۹۹۔