کتاب: جنت و جہنم کے نظارے - صفحہ 23
یہ اللہ کی مقرر کردہ حدیں ہیں اور جو اللہ کی اور اس کے رسول صلی اللہ علیہ وسلم کی فرمانبرداری کرے گا اسے اللہ تعالیٰ جنتوں میں داخل فرمائے گا جن کے نیچے نہریں جاری ہوں گی ‘ جن میں وہ ہمیشہ رہیں گے، اور یہ بہت بڑی کامیابی ہے۔ ﴿ وَمَن يُطِعِ اللّٰہَ وَرَسُولَهُ وَيَخْشَ اللّٰہَ وَيَتَّقْهِ فَأُولَـٰئِكَ هُمُ الْفَائِزُونَ ﴾[1] اور جو اللہ اور اس کے رسول صلی اللہ علیہ وسلم کی اطاعت کرے اور اللہ سے ڈرے اور اس کا تقویٰ اختیار کرے تو ایسے ہی لوگ کامیاب ہونے والے ہیں ۔ 2۔ ’’الخسران المبین‘‘ ( صریح خسارہ )کا مفہوم: خسِر:خسْراً، وخسَراً، وخُسْراً، وخُسُراً، وخُسْراناً، وخسارۃً، وخساراً: کے معنیٰ گمراہ ہونے کے ہیں ، اور اس سے دوچار ہونے والے شخص کو’’خاسر‘‘ اور’’خسیر‘‘ کہاجاتا ہے، اور کہاجاتا ہے:
[1] سورۃ النور: ۵۲۔