جنت و جہنم کے نظارے

قیامت کے دن جن کا سب سے پہلے فیصلہ کیا جائے گا وہ ایک شہید ہوگا جسے لایا جائے گا اور اللہ تعالیٰ اس سے اپنی نعمتیں پہچنوائے گا (یاددلائے گا) تو وہ پہچان لے گا، اللہ تعالیٰ فرمائے گا : تونے ان نعمتوں کا کیا کیا؟ وہ کہے گا: میں تیری راہ میں لڑتا رہا یہاں تک کہ شہید ہوگیا، اللہ تعالیٰ فرمائے گا: تو جھوٹ کہتا ہے، تونے جہاد اس لئے کیا تھا تا کہ تجھے بہت بڑا بہادر کہا جائے، اور تجھے کہا بھی گیا، پھر حکم ہوگا، یہاں تک کہ اسے اس کے چہرے کے بل گھسیٹ کر جہنم میں ڈال دیا جائے گا، اور دوسرا وہ آدمی ہوگا جس نے علم سیکھا اور سکھایا ہوگا اور قرآن پڑھا ہوگا، اسے لایا جائے گا، اللہ تعالیٰ اس سے اپنی نعمتیں پہچنوائے گا تو وہ پہچان لے گا ، اللہ تعالیٰ فرمائے گا: تونے ان نعمتوں کا کیا؟ وہ کہے گا : میں نے علم سیکھا اور سکھایا اور (تیرے دین کی خاطر)قرآن پڑھا ، اللہ فرمائے گا: تو جھوٹا ہے، تونے علم اس لئے حاصل کیا تھا تاکہ تجھے عالم کہا جائے، اور قرآن اس لئے پڑھا تھا تاکہ قاری کہا جائے، اور کہا بھی گیا، پھر