جادو کا آسان علاج

6 قرآن کریم کی روسے بارش کا پانی بھی بڑا باعثِ برکت ہے۔[1] لہٰذا مریض کو بارش کا پانی پلانا بھی مفیدِ مطلب ہے۔ 7 غسل کرنا اور کم از کم ہر جمعہ کو۔[2] اور ہر وقت صفائی ستھرائی رکھنا۔ ایک حدیث کی رُو سے خوشبو لگانا نبی کریم صلی اللہ علیہ وسلم کا پسندیدہ عمل ہے۔[3] فرشتے خوشبو پسند کرتے ہیں اور جِنّ و شیاطین اس سے دور بھاگتے ہیں۔[4] لہٰذا خوشبو سے استفادہ کیا جائے۔ غرض روحانی (کتاب و سنّت کی دعائیں ) اور مادی و طبّی ہر طرح کا علاج کیا جائے۔ [6] صدقہ و خیرات سے علاج: صدقہ و خیرات کرنا بھی ردِّ بلاء کا ذریعہ ا ور باعثِ شفاء ہے اور ایک صحیح حدیث کی رو سے نبی صلی اللہ علیہ وسلم نے توصدقے کے ذریعے علاج کرنے کا حکم فرمایا ہے۔[5] سِحر ( جادو) کا علاج ودَم سِحر [جادو] بر حق ہے۔[6] سِحر اور اسکے مختلف صیغوں کا ذکر قرآن کریم میں (سورۃ البقرۃ ، آیت : ۱۰۲ کے علاوہ) کم و بیش ساٹھ (۶۰) مقامات پر آیا ہے۔[7]

[1] سورۃ قٓ، آیت: ۹ [2] صحیح البخاري، رقم الحدیث (۸۲۰) صحیح مسلم، رقم الحدیث (۸۴۶) [3] مسند أحمد (۳/ ۱۲۸) سنن النسائي، رقم الحدیث (۳۹۴۰) اس حدیث کو امام حاکم، ذہبی اور البانی رحمہم اللہ نے صحیح کہا ہے۔ [4] زاد المعاد (۴/ ۳۰۸) [5] شعب الإیمان (۳/ ۲۸۲) صحیح الجامع، رقم الحدیث (۳۳۵۸) [6] الاعراف، آیت: ۱۱۶ [7] دیکھیں: المعجم المفھرس لألفاظ القرآن الکریم (ص: ۴۳۹، مادہ سحر)