اسلامی اجتماعیت میں خاندان کا کردار

سیلاب آتا تھا تو دائیں بائیں سے کترا کر نکل جاتا تھا۔وہیں مسجدالحرام کے بالائی حصے میں زمزم کے پاس ایک بہت بڑا درخت تھا۔آپ نے اسی درخت کے پاس حضرت ہاجرہ اور حضرت اسماعیل کو چھوڑا تھا۔اس وقت مکہ میں نہ پانی تھااورآدم اورنہ آدم زاد۔ اسی بات کومحمدعبداللہ المعبود’’تاریخ مکہ ‘‘میں اس اندازمیں بیان کرتے ہیں: حضرت ابراہیم علیہ السلام اپنی رفیقہ حیات اورفرزنددل بندکوزم زم والی جگہ پرایک درخت کے نیچے بٹھادیا اوراستراحت کرنے کی تلقین فرماتے ہوئے واپس چل پڑے۔ اس وقت تک وہاں نہ کوئی انسانی آبادی تھی۔اور نہ ہی پانی کا کوئی نام و نشان پایا جاتا تھا اور نہ زندگی کی بقا کا کوئی ظاہری وسیلہ نظر آتا تھا۔ ’’لیس بمکۃ یومئذ احد ولیس بہا انسان ‘‘۳؎ مولانا صفی الرحمٰن رحمہ اللہ لکھتے ہیں: اس لیے حضرت ابراہیم علیہ السلام نے ایک توشہ دان میں کھجور اور ایک مشکیزہ میں پانی رکھ دیا۔اور اس کے بعد فلسطین واپس چلے گئے لیکن چند ہی دنوں میں کھجور اور پانی انتہاء کو پہنچ گیا،اور سخت مشکل پیش آئی لیکن اس مشکل وقت پر اللہ کے فضل سے زمزم کا چشمہ پھوٹ پڑا اور ایک عرصہ تک کے لیے سامان رزق اور متا ع حیات بن گیا۔۴؎ الرحیق المختوم میں ہے: کچھ عرصے بعد یمن سے ایک قبیلہ آیا جس کو تاریخ میں جرہم ثانی کہا جاتا ہے۔یہ قبیلہ حضرت اسماعیل کی ماں سے اجازت لے کر مکہ میں ٹھہر گیا۔کہا جاتا ہے کہ یہ قبیلہ پہلے مکہ کی گردوپیش کی وادیو ں میں سکونت پذیر تھا۔صحیح بخاری میں اتنی صراحت موجود ہے کہ(رہا ئش کی غرض سے)یہ لوگ مکہ میں حضرت اسماعیل کی آمد کے بعد اس وادی سے ان کا گزر اس سے پہلے بھی ہوا تھا۔۵؎ قبیلہ بنو جرہم کی جس خاتون سے آپ کا عقد ہوا تھا اس کا نام علامہ مطب الدین نے عمارہ بنت سعید بن اسامہ بن اکیل تحریر کیا ہے۔۶؎ جیکہ علامہ مسعودی نے الجدا بنت سعد بیان کیا ہے۔۷؎ علامہ مسعودی رقمطراز ہیں: ’’سیدنا اسماعیل علیہ السلام کی پہلی بیوی کا نام الجدا بنت سعد تھا۔ان کی بیان کردہ روایت کے مطابق جب سیدنا ابراہیم علیہ السلام تشریف لائے تو سلام پیش کیا مگر بہو نے سلام کا جواب نہ دیا آپ نے دریافت کیا کہ تو جواب ملا کہ وہ روزی کی تلاش کے لیے گئے ہوئے ہیں جب حضرت اسماعیل علیہ السلام آئے تو بیوی نے کہا کہ ایک آدمی ابراہیم نامی آیا تھا جو آ پ کی والدہ ہاجرہ کے متعلق دریافت فرمارہا تھا آپ نے دریافت کیا کہ پیغام وغیرہ نہیں دیا تو اس نے کہا وہ کہہ گئے تھے کہ گھر کی چوکھٹ بدل لینا۔۸؎ محمدعبداللہ المعبود تاریخ مکہ میں لکھتے ہیں کہ عمارہ کی علیحدگی کے بعد سیدنا اسماعیل نے اس قبیلہ سے ایک دوسری عورت سیدہ بنت مضاض بن عمرو جرہمی سے عقد کیا۔زاد المسیر میں لکھا ہے: حضرت اسماعیل کی دوسری بیوی جن کانام السیدہ بنت مضاض بن عمرو جرہمی تھا،ان سے آپ کا خاندان تشکیل پایا اوراس سے اللہ تعالیٰ نے آپ کو حسب ذیل اولاد عطا فرمائی۔نابت،قیدار،واصل،میاس،آزر،طیما،نبش،۹؎ گویا سیدنا اسماعیل کے حوالے سے گفتگو اور بحث کا مقصد یہ ہے کہ خاندان اس طرح تشکیل پاتے ہیں جس طرح حضرت اسماعیل کا خاندان قبیلہ جرہم کی ایک دو شیزہ سے شادی ہونے کے بعد تشکیل پایا اور اس سے ایک نہیں کئی معاشرے وجود میں آئے جو عصر حاضر میں