اسلام میں تصور مزاح اورمسکراہٹیں

کھیس نہ لا دیتا جس کا میں نے تم سے ذکر کیا تھا تو تم کہتے کہ میں نے بخل کیا ہے اور میری نیت میں فتور آگیا ہے اور جب میں یہ چیز لے آیا ہوں تو اگر تمہیں خبردار نہ کروں اوہ ساری باتیں بیان نہ کروں جس سے تمہیں نقصان پہنچ سکتا ہے تو تم کہو گے کہ میں نے تمہارے ساتھ شفقت نہیں کی اور بہ خیر خواہی اور نصیحت کی، اب میں ان دونوں باتوں سے بری ہوں، اب اگر چاہو تو کھالو اور موت کا سامنا کرو اور اگر چاہو تو تھوڑا برداشت کر لو اور آرام کی نیند سو جاؤ۔ جاحظ کا کہنا ہے کہ میں اس رات جس قدر ہنسا کبھی نہ ہنسا ہوں گا، میں نے وہ ساری کھیس اور کھجوریں کھالیں۔ (بخیلوں کے انوکھے واقعات: ترجمہ پروفیسر عبدالرزاق) نقوش کے مدیر محمد طفیل ایک خاموش لیکن منتقم مزاج ذہنیت رکھتےہیں، ایک بار انہوں نے اپنے معاصر مرزا ادیب کو اپنی کوئی کتاب دی اور داد کے طالب ہوئے۔ مرزا صاحب نےطبعی خست کا مظاہرہ کیا اور کہا’’ ٹائٹل اچھا ہے۔‘‘ محمد طفیل اس خاموش طنز کو پی گئے....... کئی سال بعد مرزا صاحب نے اپنی کتا نقوش میں تبصرہ کے لیے دی، محمد طفیل نے کسی رائے کا اظہار کیے بغیر کتاب ایک طرف رکھ دی.... مرزا صاحب نے بے چینی سے ان کی طرف دیکھا اور کہنے لگے: ’’ طفیل صاحب کیا خیال ہے ، کتاب پسند آئی.........؟ طفیل صاحب نے سادگی سے طنز کا تیر مرزا صاحب کے سینے میں اتار دیا: ’’اس کا تو ٹائٹل بھی اچھا نہیں۔‘‘ (ادبی شرارتیں از کلیم نشتر)