اسلام کا قانون طلاق اور اس کا ناجائز استعمال

’’ جو عورت اپنے خاوند سے بغیر کسی عذر کے خلع لے تو وہ جنت کی خوشبو تک نہ پائے گی ۔ ‘‘ کوئی بھی خاتون جب اپنے خاوند سے خلع کا مطالبہ کرے اور اس کا خاوند اِس پر آمادہ نہ ہو تو اسے یہ حق حاصل ہے کہ وہ عدالت سے رجوع کرے اور اس کے حکم پر اس سے خلع لے لے ۔ خلع لے کر وہ خاتون ایک حیض تک انتظار کرے ، پھر وہ چاہے تو کسی اور آدمی سے نکاح کر سکتی ہے ۔ اور اگرکسی اور آدمی سے نکاح کرنے سے پہلے ہی ان کے مابین مفاہمت ہو جائے اور وہ دونوں ایک بار پھر بطور خاوند بیوی زندگی بسر کرنے پر راضی ہو جائیں تو مہر ونکاح جدید کے ساتھ وہ ایسا کر سکتے ہیں ۔