اسلام ہی ہمارا انتخاب کیوں ؟

اسلام مجھے اچھا لگتاہے۔ عیسائی ہونے کی حیثیت سے میں تثلیث، نظریہ کفارہ یا عیسیٰ علیہ السلام کی پیدائش کے بارے میں عیسائی نظریہ کبھی قبول نہ کرسکی۔ اسلام ایسے ناممکنات سے بالکل آزاد ہے کہ دنیا کو گناہوں سے بچانے کے لیے حضرت عیسیٰ علیہ السلام جیسے معصوم انسان اپنی جان کی قربانی دینے کے لیے دنیا میں آئے۔ عیسائی عقائد کی ایسی باتیں میری سمجھ سے باہر تھیں ۔ علاوہ ازیں حضرت عیسیٰ علیہ السلام کے مبینہ طور پر سولی پر لٹکنے سے دنیا کی حالت میں کوئی بہتری تو نہیں آئی (شاید سوائے ان چند لوگوں کے جنھوں نے آپ کی طرح بننے کی کوشش کی) اس کے برعکس مجھے تویوں لگتا ہے کہ دنیا کی حالت پہلے سے بھی زیادہ بگڑ گئی ہے۔ ہر صا حبِ فکر انسان جو اسلام کو سمجھنے کی تکلیف گوارا کرے، اسے یہ سادہ اور باوقار دین بہت اچھا لگتا ہے۔ اسلام نے مجھے ایسا سکون اور خوشی دی ہے جس سے میں پہلے ناآشنا تھی۔ [1] [مس جون فاطمہ۔ ڈینسکن سکاٹ لینڈ] (Miss Joan Fatima- Dansken, Scotland) قبولِ اسلام کی خوشیاں اور دکھ مجھے مسلمان ہوئے ایک سال گز رگیا ہے او راب وہ وقت آگیا ہے کہ میں اپنے خیالات واحساسات سے آپ کو آگاہ کردوں ۔ میری دعا ہے کہ ہر نومسلم کو اللہ تعالیٰ وہ محبت اور سمجھ عطا کردے جس کی اسے اس نئی زندگی میں ضرورت پڑتی ہے۔ میں ان لوگوں سے یہ پوچھتی ہوں کہ وہ مجھے اپنے قبول اسلام کے حوالے سے حالات وواقعات بتائیں ۔ جب بھی لاَ اِلـٰہَ اِلاَّ اللّٰہُ مُحَمَّدٌ رَّسُوْلُ اللّٰہ کی پکار بلند ہوتی ہے تو آسمان مسکرا اٹھتا ہے اور جب کوئی آدمی صدق دل سے اسلام قبول کرلیتاہے تو یہ اس کی زندگی کا سب سے عظیم لمحہ ہوتا ہے۔ اللہ انھیں (نو مسلموں کو) گمراہی سے محفوظ رکھے۔ ایک لحاظ سے ہر نیا مسلمان ایک نوزائیدہ بچے کے مانند ہوتا ہے مگر ایک بالغ انسان بچہ کیسے

[1] ۔ اسلامک ریویو، جنوری1930ء، ج:18، ش:1، ص:18