اسلام ہی ہمارا انتخاب کیوں ؟

اسے میسر نہیں جو انسان کی ذات اور روح کو نجات کی راہ دکھاسکے۔ جو آدمی یورپی معاشرے کی اصل صورت حال سے واقف ہے، وہ اس ہمہ گیر بے چینی اور پریشانی کو دیکھ سکتا ہے جو ترقی اور مادی شان و شوکت کی چکاچوند کے پس منظر میں موجود ہے۔ اب لوگ اپنی مشکلات سے نکلنے کی راہیں تلاش کررہے ہیں مگر انھیں باہر نکلنے کاکوئی راستہ نظر نہیں آتا۔ ان کی جستجو بے ثمر ہے۔ ان کے سامنے ایک ہی راستہ ہے اور وہ تباہی و بربادی کی جانب جانے والا راستہ ہے جس پر وہ پہلے سے چل رہے ہیں ۔ اسلام جسم اور روح کے تقاضوں کے درمیان جو حسین ہم آہنگی پیش کرتا ہے، اس میں اہل مغرب کے لیے بہت کشش ہے۔ اسلام تہذیب جدید کو وہ راستہ دکھاسکتا ہے جوکامیابی اور نجات کاراستہ ہے۔ یہ مغرب کے انسانوں کو اصل مقصد دکھاکر اللہ کی رضا کے لیے جدوجہد پر آمادہ کرسکتا ہے اور یہی اس کی اخروی کامیابی کی ضمانت ہوسکتاہے۔ اللہ تعالیٰ ہمیں دنیا اور آخرت کی کامیابی عطا فرمائے۔ سوال۔ آپ کے خیال میں اسلام کی اشاعت کس طرح ہوسکتی ہے؟ جواب۔ تبلیغ ِاسلام کی فکر کرنے سے پہلے یہ ضروری ہے کہ ہم اپنی زندگی اور ضروریات میں وہ معیار حاصل کرلیں جس کاتقاضا ہمارا ایمان کرتا ہے۔ عام طور پر یہ سمجھا جاتا ہے کہ اگر ہم اسلام کے مبلغ بن جائیں توہمیں کسی اور چیز کے بارے میں فکر مند ہونے کی ضرورت نہیں ۔ اسلام سے مکمل واقفیت تبلیغ اسلام کی اولین ضرورت ہے تاکہ ہم مخالفین کے تمام سوالات اور اعتراضات کے جوابات دے سکیں ۔ بے شک اسلام کی دعوت عام کرنے کے لیے اسلام کے بارے میں بعض کتابیں پیش کرنا مفید ہے۔ اگر ہم کسی غیر مسلم کو کوئی کتاب دے دیں تو وہ زبانی دلائل اور بحث کی نسبت اسے زیادہ اہمیت دیتاہے۔ مگر بدنصیبی یہ ہے کہ انگریزی میں اسلام پر اچھی کتابیں بہت کم ہیں ۔ میں دوبارہ یہی کہوں گی کہ مثالی طرزِ حیات، اشاعتِ دین میں بہت مؤثر ثابت ہوتا ہے، لہٰذا ہمارے لیے یہ ضروری ہے کہ ہم اپنے آپ کو اس طرح کے مثالی انسان بنائیں جیسے قرآن چاہتا ہے۔ سوال۔ برطانوی مسلمانوں کی خاص مشکلات کیا ہیں ؟