اسلام دینِ حق

بہت سخت ضرورت ہے کہ انہیں ترتیب دیکر جمع کیا جائے؛ تاکہ ان کے متلاشی کی ان تک رسائی ایک ہی جگہ پرآسان ہوجائے اور اس میں بھی کوئی شک نہیں کہ تمام دلائل کو ایک ہی جگہ جمع کرنا محال یا مشکل ہوسکتا ہے؛ کیونکہ یہ دلائل بہت زیادہ اور مختلف قسم کے ہیں۔ لیکن کہا جاتا ہے کہ :’’ جو سارا کچھ حاصل نہ کرسکے ؛ وہ ساراکچھ چھوڑ بھی نہ دے۔‘‘ میں نے اس مختصر سی کتاب میں کوشش کی ہے کہ ان دلائل کے کچھ پہلو اورجوانب جمع کیے جائیں۔ تاکہ وہ بطور نمونہ اس دین کی حقیقت بیان کرنے کے لیے کافی ہوجائیں۔ میں نے اس کتاب کا نام ’’اسلام دین حق ‘‘ رکھا ہے۔ پہلی بار یہ کتاب ’’دلائل اسلام‘‘ کے نام سے طبع ہوچکی ہے۔ اللہ تعالیٰ سے امید کرتا ہوں کہ اس کتاب کو لوگوں کے لیے نفع بخش بنادے ؛ آمین۔ میں نے پوری کوشش کی ہے کہ کتاب بہت مختصر رہے؛ اور مرادکو آسان اور واضح الفاظ میں بیان کردیا جائے۔ تاکہ دوسری زبانوں میں اس کا ترجمہ کرنا آسان ہو۔ اللہ تعالیٰ ہی بھلائی کی توفیق دینے والے ہیں۔ اللہ تعالیٰ سے دعا کرتا ہوں کہ اس کتاب کے مقاصد پورے ہوں۔ اور اس کے کاتب کو بھی اس کا فائدہ پہنچے؛ اور قارئین و سامعین کو بھی۔ بیشک اللہ تعالیٰ دعائیں سننے اور قبول کرنے والے ہیں۔ وصلی اللّٰہ علی نبینا محمد ؛ و علی آلہ و صحبہ أجمعین۔ نظر ثانی کی تکمیل : ۱۷؍۱؍ ۱۴۲۷ھ الباحث أ۔د۔ أحمد بن سعد حمدان [ رحمۃ اللہ علیہ ] پروفیسر جامعہ ام القری ؛ دراسات العلیا مترجم : …پیرزادہ شفیق الرحمن شاہ الدراوی ؛ مکہ مکرمہ