علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

(( علیکم بسنتی وسنۃ الخلفاء الراشدین المھدیین)) ۳۲؎ ’’تم میری سنت اور ہدایت یافتہ خلفائے راشدین کی سنت کو لازم پکڑو۔ ‘‘ ٭ رسول اللہ صلی اللہ علیہ وسلم کا ایک اور فرمان یوں ہے: (( خیر الناس قرنی ثم الذین یلونہم ثم الذین یلونہم)) ۳۳؎ ’’بہترین لوگ میرے زمانے کے ہیں ، پھر وہ جو ان کے بعد آئیں گے اور پھر وہ جو ان کے بعد آئیں گے ۔ ‘‘ سند ومتن کی امثلہ مثال سے بات واضح ہو جاتی ہے، اس لیے سند ومتن کی دو مثالیں پیش خدمت ہیں : 1۔ امام بخاری رحمہ اللہ نے (م ۲۵۶ ھ)صحیح بخاری میں یہ حدیث نقل فرمائی ہے: حدثنا عبد اللّٰہ بن یوسف قال أخبرنا مالک عن ہشام بن عروۃ عن أبیہ عن عائشۃ أم المومنین رضی اللّٰہ عنہا أن الحارث بن ہشام رضی اللّٰہ عنہ سأل رسول اللّٰہ صلي اللّٰه عليه وسلم فقال یا رسول اللّٰہ ! کیف یأتیک الوحی فقال رسول اللّٰہ صلي اللّٰه عليه وسلم أحیانا یأتینی مثل صلصلۃ الجرس وھو أشدہ علی فیفصم عنی وقد وعیت عنہ ما قال وأحیانا یتمثل لی الملک رجلا فیکلمنی فأعی ما یقول۳۴؎ اس حدیث میں مذکور یہ الفاظ ’’حدثنا عبد اللّٰہ بن یوسف قال أخبرنا مالک عن ہشام بن عروۃ عن أبیہ عن عائشۃ أم المومنین رضی اللّٰہ عنہا‘‘ سند ہیں ، کیونکہ سند رواۃ کے تسلسل کا ہی نام ہے اور یہ حصہ أن الحارث بن ہشام رضی اللّٰہ عنہ سأل رسول اللّٰہ صلي اللّٰه عليه وسلم فقال یا رسول اللّٰہ ! کیف یاتیک الوحی فقال رسول اللّٰہ صلي اللّٰه عليه وسلم أحیانا یأتینی مثل صلصلۃ الجرس وھو أشدہ علی فیفصم عنی وقد وعیت عنہ ما قال وأحیانا یتمثل لی الملک رجلا فیکلمنی فأعی ما یقولمتن ہے کیونکہ متن سند کے اگلے حصے کو ہی کہتے ہیں ۔ 2۔ امام مسلم رحمہ اللہ (م ۲۶۱ ھ)نے صحیح مسلم میں یہ حدیث ذکر فرمائی ہے: حدثنا محمد بن عبید الغبری حدثنا أبو عوانۃ عن أبی حصین عن أبی صالح عن أبی ھریرۃ قال قال رسول اللّٰہ صلي اللّٰه عليه وسلم من کذب علی متعمدا فلیتبوأ مقعدہ من النار۳۵؎ اس حدیث میں یہ حصہ حدثنا محمد بن عبید الغبری حدثنا أبو عوانۃ عن أبی حصین عن أبی صالح عن أبی ھریرۃ سند ہے اور قال رسول اللّٰہ صلي اللّٰه عليه وسلم:(( من کذب عليّ متعمدًا فلیتبوأ مقعدہ من النار)) متن ہے۔ ........٭٭٭........