علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

دے گا کہ یہ حکم چونکہ قرآن کے حکم پر زائد ہے اس لئے قابل قبول او ر قابل عمل نہیں ۔ ٭ اللہ تعالیٰ کے رسول صلی اللہ علیہ وسلم نے اسی صورت حال کے پیش نظر صدیوں قبل فرمادیا تھا: ألا انی أوتیت الکتاب ومثلہ معہ ،ألایوشک رجل شبعان علی أریکتہ یقول: علیکم بہذا القرآن فما وجدتم فیہ من حلال فأحلوہ، وما وجدتم فیہ من حرام فحرموہ۴ ؎ ۱ ’’مجھے قرآن اور قرآن کے ساتھ اس کا مثل دیاگیا ہے۔ ہوشیار رہنا، قریب ہے کہ ایک زمانہ آئے گا کہ ایک آسودہ آدمی اپنے تکیہ پر ٹیک لگا کر تکبر سے کہے گا کہ تم صرف قرآن کی پابندی کرو، جو اس میں حلال ہو اسے حلال سمجھو اور جو اس میں حرام ہے صرف اسے حرام سمجھو۔‘‘ ٭ نبی کریم صلی اللہ عليہ وسلم کی دوسری حدیث ہے: ((ترکت فیکم شیئین لن تضلوا بعدہما کتاب اللّٰہ وسنتی ،ولن یتفرقا حتی یردا علی الحوض)) ۱۵؎ ’’میں دو چیزیں تمہارے درمیان چھوڑ کر جا رہا ہوں ۔ ان دونوں پر عمل کرنے کے بعد تم کبھی گمراہ نہ ہوگے:کتاب اللہ اور میری سنت! یہ دونوں روز قیامت ایک ساتھ میرے پاس حوض پر آئیں گے۔‘‘ ٭ قرآن کریم کے ساتھ سنت رسول صلی اللہ علیہ وسلم کی تین حالتیں ہیں : 1۔ من جملہ وجوہ سنت قرآن کے موافق ہو۔ 2۔ سنت قرآن کی تفسیر وتوضیح ہو۔ 3۔ سنت میں کسی امر کا ایجاب یا اس کی تحریم ہو اور قرآن اس بارے میں خاموش ہو۔ ان تینوں حالات میں سنت قرآن سے متعارض نہیں ہوتی۔ جو حکم سنت میں زیادہ ہے وہ بھی اسی طرح واجب العمل ہے جس طرح کی قرآن کریم کا کوئی حکم واجب العمل ہوتا ہے ۔ ٭ ارشاد باری تعالیٰ ہے :﴿مَنْ یُّطِعِ الرَّسُوْلَ فَقَدْ أَطَاعَ اللّٰہ ﴾ ۱۶ ؎ ’’جس نے روسول کی اطاعت کی اس نے اللہ کی اطاعت کی۔‘‘ خبر واحد پر عمل کی شرط یہ ہے کہ وہ کتاب اللہ اور سنت مشہورہ کے خلاف نہ ہو اوران دونوں کے عمومات و ظواہر کے خلاف بھی نہ ہو۔ اس لئے ضروری ہواکہ خبر واحد کو کتاب اللہ اور سنت مشہورہ پر پیش کیا جائے۔ اگر سنت کے ذریعہ کتاب اللہ پر زائد حکم کو رد کیاگیا تو کئی احادیث صحیحہ کا ترک لازم آئے گا۔ جیسے حدیث: ((النہی عن الجمع بین المرأۃ وعمتہا وخالتہا فی النکاح)) ، حدیث:((یحرم من الرضاعۃ ما یحرم من النسب)) اور حدیث کریمہ ((میراث الجدۃ)) وغیرہ، کیونکہ یہ احکام صرف سنت سے ثابت ہیں اور قرآن میں موجود نہیں ۔ ایک طرف تو قرآن اور سنت صحیحہ میں تعارض پیدا کرکے سنت کو ردکیا جاتا ہے، تو دوسری طرف بہت سے مسائل میں مختلف فیہ اور ضعیف احادیث بلکہ قیاس ورائے سے استدلال کیا جاتا ہے۔ اگر سنت ِصحیحہ کے ذریعہ ثابت شدہ حکم سے قر آن کا نسخ ثابت ہوتا ہے، تو قرآن کریم کے مقابلہ میں مختلف فیہ اور ضعیف احادیث سے استدلال کیوں کیا جاتا ہے۔ خلاصہ کلام یہ ہے کہ اللہ تعالیٰ نے نبی کریم صلی اللہ عليہ وسلم کو جس طرح قرآن کی تفسیر و توضیح کی اجازت دی ہے وہیں آپ کو ابتدائی طور پر