علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

خود آنحضرت صلی اللہ عليہ وسلم کے قول مبارک کے لیے بھی قرآن مجید میں حدیث کا لفظ موجود ہے ۔ ارشاد ہے: ﴿ وَ اِذْ أَسَرَّ النَّبِیُّ اِلَی بَعْضِ اَزْوَاجِہِ حَدِیْثًا ﴾ ۷۱؎ ’’اور جب نبی نے اپنی کسی بیوی سے چھپا کر بات کہی ۔ ‘‘ انتہی کلامہ ۷۱؎ ٭ سنت لغوی مفہوم لغت میں سنت کا معنی طریقہ و راستہ ہے خواہ اچھا ہو یا برا ۔ ۷۲؎ ٭ صاحب لسان العرب رحمہ اللہ رقم طراز ہیں : فھی السیرۃ والطریقۃ الممتازۃ حسنۃ کانت أو قبیحۃ،وتطلق في العرف الاسلامی علی طریقۃ الإسلام ۷۳؎ ٭ امام زمخشری رحمہ اللہ (م ۵۳۸ ھ) نے ذکر فرمایا ہے : سن سنۃ حسنۃ:طرق طریقۃ حسنۃ واستن بسنۃ فلان ۷۴؎ ’’کسی شخص نے اچھی سنت جاری کی یعنی اچھا طریقہ جاری کیا اور کسی کی سنت کی پیروی کی یعنی اس کے طریقے پر چلا ۔ ‘‘ ٭ امام جرجانی رحمہ اللہ (م ۸۱۹ ھ) نے فرمایا ہے: السنۃ:لغۃ العادۃ ۷۵؎ ’’لغت میں سنت سے مراد عادت ہے ۔ ‘‘ صاحب مسلّم الثبوت نے بھی لفظ ِسنت کا یہی معنی بیان کیا ہے ۔ ۷۶؎ ٭ امام ابن اثیر رحمہ اللہ (م ۶۰۶ ھ)نے فرمایا ہے: الأصل فیہا الطریقۃ والسیرۃ ۷۷؎ ’’اس (یعنی لفظ ِسنت) کا اصل معنی طریقہ اور سیرت ہے ۔ ‘‘ لفظ سنت قرآن وحدیث میں بھی متعدد مقامات پر استعمال ہوا ہے ۔ چند امثلہ حسب ذیل ہیں: آیات قرآنیہ 1۔ ﴿ سُنَّۃَ اللّٰہِ فِی الَّذِیْنَ خَلَوْا مِنْ قَبْلُ ﴾ ۷۸؎ ’’اللہ کا طریقہ رہا ہے ان لوگوں کے بارے میں جو پہلے تھے ۔ ‘‘ 2۔ ﴿ فَقَدْ مَضَتْ سُنَّۃُ الْأَوَّلِیْنَ ﴾ ۷۹؎ ’’یقینا پہلوں کا طریقہ گزر چکا ہے ۔ ‘‘ 3۔ ﴿ وَلَنْ تَجِدَ لِسُنَّۃِ اللّٰہِ تَبْدِیْلًا ﴾ ۸۰؎ ’’آپ اللہ کے طریقے میں ہرگز کوئی تبدیلی نہیں پائیں گے ۔ ‘‘ 4۔ ﴿ سُنَّۃُ مَنْ قَدْ أَرْسَلْنَا قَبْلَکَ مِنْ رُسُلِنَا ﴾ ۸۱؎ ’’ان لوگوں کا طریقہ ہے جو آپ سے پہلے ہمارے پیغمبر تھے ۔‘‘ 5۔ ﴿ فَھَلْ یَنْظُرُوْنَ اِلَّا سُنَّۃَ الْأَوَّلِیْنَ ﴾ ۸۲؎