کتاب: اجتماعی نظام - صفحہ 981
(273) مختلف موقعوں کی مناسبت سے طبلوں اور گانوں کا استعمال
السلام علیکم ورحمة اللہ وبرکاتہ
بعض موقعوں کی مناسبت سے ہم طبلے بجاتے اورگانے گاتے ہیں اوریہ سلسلہ کئی راتوں تک جاری رہتا ہے لیکن ایک مرتبہ ایک شخص نے ہمیں اس سے منع کیا،توسوال یہ ہے کہ کیا طبلوں اورگانوں کا استعمال منکر ہے جب کہ ہم فحش گانے نہیں گاتے۔براہ کرم فتوی دیجئے،جزاکم اللہ خیرا۔
الجواب بعون الوہاب بشرط صحة السؤال
وعلیکم السلام ورحمة اللہ وبرکاتہ!
الحمد للہ، والصلاة والسلام علیٰ رسول اللہ، أما بعد!
ہمیں کوئی ایسی دلیل معلوم نہیں جس سے طبلوں کے استعمال کا جواز معلوم ہوتا ہوبلکہ صحیح احادیث سے بظاہر یوں معلوم ہوتا ہے کہ ان کا استعمال بھی بانسری ،سارنگی اوردیگر آلات موسیقی کی طرح حرام ہے ،چنانچہ حدیث میں ہے کہ نبی کریم صلی اللہ علیہ وسلم نے فرمایاکہ‘‘میری امت میں کچھ لوگ ایسے بھی ہوں گے جوزنا،ریشم،شراب اورگانے وموسیقی کو حلال قراردیں گے۔’’اس حدیث جولفظ ‘‘معازف’’استعمال ہوا ہے یہ گانوں اورتمام آلات موسیقی کو شامل ہے۔
ھذا ما عندی واللہ اعلم بالصواب
مقالات و فتاویٰ
ص396