حقوق نسواں اور حقوق مرداں

سرپرستوں کو ایسا نکاح فسخ کرانے کا اختیاررہتا ہے۔ [1] دوسری طرف عورت کی رضامندی اور اس کی اجازت بھی ضروری قرار دی گئی ہے اور فرمایا: ((لاَ تُنْكَحُ الأَيِّمُ حَتَّى تُسْتَأْمَرَ)) ’’بیوہ عورت کانکاح اس کے مشورے کے بغیر نہ کیاجائے۔ ‘‘[2] نیز فرمایا: ((لاَ تُنْكَحُ البِكْرُ حَتَّى تُسْتَأْذَنَ)) ’’کنواری لڑکی کا نکاح اس کی اجازت کے بغیر نہ کیاجائے۔ ‘‘[3] کنواری عورت کے اندر شرم وحیازیادہ ہوتی ہے، اس لیے اس سے اجازت طلبی کا مسئلہ مشکل تھا، اسے بھی شریعت نے اس طرح حل فرمادیا کہ’’کنواری کی خاموشی ہی اس کی اجازت اور رضامندی ہے۔ ‘‘[4] عورت کی رضامندی اور اس کی اجازت کی شریعت میں کتنی اہمیت ہے، اس کا اندازہ عہد رسالت مآب صلی اللہ علیہ وسلم کے ایک واقعے سے بآسانی لگایاجاسکتا ہے کہ ایک خاتون خنساء بنت خِذام انصاریہ کا نکاح ان کے والد نے ان کی اجازت کے بغیر کردیا۔ انہیں یہ رشتہ ناپسند تھا۔ انہوں نے آکرنبی صلی اللہ علیہ وسلم کی خدمت میں باپ کی شکایت کی توآپ نے

[1] فتح القدیر لابن الھمام(3؍255) [2] صحیح البخاری:النکاح، باب لاینکح الأب وغیرہ البکر والثیب إلا برضاھما، حدیث:5136 [3] صحیح البخاری: النکاح، باب لاینکح الأب وغیرہ البکر والثیب إلا برضاھما، حدیث:5136 [4] صحیح البخاری :النکاح، باب لاینکح الأب وغیرہ البکر والثیب إلا برضاھما، حدیث:5136