حقوق نسواں اور حقوق مرداں

جن کا’’اسلام‘‘ یہ ہے تو ان کا بنایا ہوا بل غیر اسلامی کس طرح ہوسکتا ہے؟ علماء بے چارے چونکہ اس’’اسلام‘‘سے ناآشنا ہیں اس لئے وہ اس کے غیر اسلامی ہونے کی دہائی دے رہے ہیں۔ دونوں اپنی اپنی جگہ سچے ہیں، کیونکہ دونوں کا اسلام ایک دوسرے سے مختلف ہے۔ بنابریں پہلے یہ واضح ہونا چاہئے کہ حکومت کی سرپرستی میں جوکچھ ہورہا ہے، وہ اسلام ہے یا اسلام وہ ہے جو قرآن مجید کی شکل میں نازل ہوا، اور صاحبِ وحی، پیغمبر اسلام صلی اللہ علیہ وسلم نے اس کی توضیح وتفسیر۔ قولی اور عملی صورت میں۔ فرمائی اور آج وہ قرآن وحدیث میں محفوظ ہے۔ علماء تو صرف اسی کو اسلام سمجھتے اور جانتے ہیں جو قرآن وحدیث میں محفوظ ہے۔ اور یہ بل سراسر اس کے خلاف ہے جیسا کہ اللہ کی توفیق سے اس کی ضروری تفصیل ہم نے پیش کردی ہے۔ والحمدللّٰہ علی ذلک وزرائے کرام، بل کے بانیان عظام، لیڈیاں ذی احترام مل کر پڑھیں .... تو میندیش زغوغائے رقیباں کہ آواز ’’علماء‘‘ کم نہ کند رزقِ’’وزراء‘‘ بطورنمونہ تنازعات کا جوخودساختہ لمباچوڑا حل، بل میں پیش کیاگیا ہے، اس میں لیڈی افسران کاتقرر ہے، عدالتوں کاقیام ہے، شیلٹرہومز کی تعمیرات ہیں، پولیس کی داروگیر ہے اورگھر کے حاکم اعلیٰ کی تذلیل وتوہین ہے، اسے کڑا پہنانا ہے اور پتہ نہیں کیاکچھ ہے۔ اور وہ صرف عورت کے کہنے پربغیرثبوت اور بغیر گواہوں کے۔ اس کے مقابلے میں اللہ کا بیان