حقوق نسواں اور حقوق مرداں

لیکن اس علم سے مراد سائنس وٹیکنالوجی اور دیگر شعبۂ ہائے زندگی سے متعلقہ علوم وفنون نہیں بلکہ وہ علم ہے جس سے حلال وحرام، جائز وناجائز کی پہچان ہو، یعنی قرآن وحدیث کاعلم۔ دوسرےعلم کا تعلق کسب معاش سے ہے جوصرف مرد ہی کی ذمے داری ہے، وہ علم قرآن وحدیث کے ساتھ دیگر علوم بھی حاصل کرے گا لیکن عورت پر چونکہ معاش کی ذمے داری نہیں۔ بنابریں اس کے لیے صرف قرآن وحدیث کی تعلیم ضروری ہے تاکہ وہ اس کی روشنی میں اپنے وہ فرائض بھی خوش اسلوبی سے ادا کرسکے جو اولاد کی تربیت کے حوالے سے اس پرعائد ہوتے ہیں۔ کیونکہ تربیت اولاد میں ماں کاکردار بنیادی اہمیت کاحامل ہے۔ اولاً:تو اس لئے کہ ماں کی گود ہی بچے کا وہ پہلا گہوارہ ہےجہاں وہ آنکھیں کھولتا ہے۔ اس کی کل کا ئنات ماں کی شفقت ومحبت ہی ہوتی ہے، ماں کی محبت آمیز مسکراہٹ اور شفقت بھراہاتھ اس کاسہارا ہوتا ہے۔ اور ماں کی چھاتی سے اسے وہ لطیف غذا ملتی ہے جس سے اس کی جسمانی نشونما ہوتی ہے۔ ثانیاً: جب وہ چلنے پھرنے لگتا ہے اور کچھ بول اس کی زبان سے نکلنے شروع ہوتے ہیں تو باپ توکسب معاش میں سرگرداں ہوتا ہے، ماں کی گود ہی اس کاپہلا مدرسہ بنتی ہے، اس وقت بچے کاذہن سلیٹ یابلیک بورڈ کی طرح بالکل صاف ہوتا ہے، اس پر جوبھی لکھ دیا جاتا ہے، یعنی اسے ذہن نشین کرایاجائے، وہ اس کے دل ودماغ میں نقش ہوجاتا ہے۔ اسی بات کو نبیٔ کریم صلی اللہ علیہ وسلم نے اس طرح بیان فرمایا ہے: ((كُلُّ مَوْلُودٍ يُولَدُ عَلَى الفِطْرَةِ، فَأَبَوَاهُ يُھَوِّدَانِهِ، أَوْ يُنَصِّرَانِهِ، أَوْ يُمَجِّسَانِهِ)) ’’ہر بچہ فطرت پر پیدا ہوتا ہے پھر اس کے والدین اسے یہودی یانصرانی یامجوسی