حقوق نسواں اور حقوق مرداں

بری سواری، اور تنگ مکان۔ ‘‘ یعنی مذکورہ چیزیں کسی کے لیے سعادت کا اور کسی کے لیے شقاوت کا ذریعہ ہیں اور یہ سب کچھ اللہ کی مشیت اور اس کے قضا و قدر کے تحت ہے۔ اسی لیے بعض شارحین نے حدیث شؤم کی شرح میں لکھاہے، جیسے امام خطابی ہیں : ((اِنْ کَانَتْ لِأَحَدِکُمْ دَارٌ یَکْرَہُ سُکْنَاھَا أَوْ امْرَأَۃٌ یَکْرَہُ صُحْبَتَہَا، أَوْ فَرَسٌ یَکرَہُ سَیْرَہُ فَلْیُفَارِقْہُ)) [1] ’’اگر کسی کا گھر ایسا ہے کہ اس میں رہائش اس کو ناپسند ہو، یا بیوی ایسی ہو کہ اس کے ساتھ گزارا مشکل ہو، یا گھوڑا ایسا ہو کہ اس پر سفر اس کو ناگوار ہو، تو وہ ان کو چھوڑ دے۔ ‘‘ اور بعض نے اس کی تفسیر اس طرح کی ہے: ((إِنَّ شُؤْمَ الدَّارِ ضَیِّقُہَا وَسُوْءَ جَوَارِھَا، وَشُؤْمَ الْمَرأَۃِ أَنْ لَا تَلِدَ وُشُؤْمَ الْفَرَسِ اَنْ لَا یُغْزُ عَلَیْہِ)) [2] ’’گھر کی نحوست اس کا تنگ ہونا اورپڑوسی کا برا ہوناہے، عورت کی نحوست اس کا بانجھ پن اور گھوڑے کی نحوست اس پر جہاد کرنے کا موقع نہ ملنا ہے۔ ‘‘ بعض آثار سے بھی اس کی تائید ہوتی ہے، جیسے حضرت معمر (تابعی) فرماتے ہیں کہ میں نے اس حدیث کی یہ تفسیر سنی ہے (بظاہر یہی ہے کہ کسی صحابی سے سنی ہوگی)۔ ((شُؤْمُ الْمَرْأَۃِ إِذَا کَانَتْ غَیْرَ وَلُودٍ، وَشُؤُمُ الْفَرَسِ إِذَا لَمْ یُغُزَ عَلَیْہِ وَ شُؤُمُ الدَّارِ جَارُ السُّوءِ)) [3]

[1] فتح الباري، الجہاد، (6؍77) [2] حوالۂ مذکور [3] فتح الباری، (6؍77)، مصنف عبدالرزاق، (10؍ 411)، رقم الحدیث: 19527