حقوق نسواں اور حقوق مرداں

راست پر رکھنے کے لیے آخری چارۂ کار کے طور پر زدو کوب کرنے کی بھی اجازت دی گئی ہے تاکہ گھر میں مرد کی قوامیت (حاکمیت) بھی برقرار رہے اور گھر کا نظم و نسق بھی انتشار سے محفوظ رہے۔ لیکن مارنے کا یہ حق غیر محدود نہیں ہے لیکن چونکہ ناگریز حالات میں بطور علاج اس کی اجازت ہے اس لیے یہ مار و حشیانہ اور ظالمانہ نہ ہو، بلکہ علاج کی حد تک ہلکی مار ہو جس سے اس کو شدید چوٹ نہ آئے۔ نبی صلی اللہ علیہ وسلم نے خطبۂ حجۃ الوداع میں فرمایا: ((وَلَکُمْ عَلَیْہِنَّ أَنْ لَا یُؤْطِئَنَّ فُرُشَکُمْ أَحَدًا تَکْرَھُونَہُ، فَإِنْ فَعَلْنَ ذٰلِکَ فَاضْرِبُوھُنَّ ضَرْبًا غَیْرَ مُبَرِّحٍ)) [1] ’’تمہارا عورتوں پر یہ حق ہے کہ وہ تمھارے بستروں پر ایسے کسی شخص کو آنے کی اجازت نہ دیں جس کو تم ناپسند کرتے ہو، اگر وہ ایسا کریں تو تم ان کو ایسی مار مارو جس سے ان کو زیادہ چوٹ نہ آئے۔ ‘‘ ایسی مار جو بطور علاج ہو اور جس میں وحشیانہ پن نہ ہو، توچونکہ اس کی اجازت ہے اس لیے اس پر قیامت کے دن باز پرس بھی نہیں ہوگی۔ نبی صلی اللہ علیہ وسلم نے فرمایا: ((لَا یُسْأَلُ الرَّجُلُ فِیمَا ضَرَبَ اِمْرَأَتَہُ)) [2] ’’آدمی سے اپنی عورت (بیوی) کے مارنے پر باز پرس نہیں کی جائے گی۔ ‘‘ ایک مرتبہ رسول اللہ صلی اللہ علیہ وسلم نے فرمایا: ((لَا تَضْرِبُوا إِمَاءَ اللّٰہِ)) ’’اللہ کی باندیوں کو مت مارا کرو۔ ‘‘ [3]

[1] صحیح مسلم، كتاب الحج، باب حجة النبى صلى اللّٰه عليه وسلم، حدیث: 1218 [2] سنن أبي داود، كتاب النكاح، باب فى ضرب النساء، حدیث: 2147 [3] سنن أبي داود، كتاب النكاح، باب فى ضرب النساء، حدیث: 2146