حقوق نسواں اور حقوق مرداں

نہ ہوجائے۔ اس لیے ہم دیکھتے ہیں کہ قرآن وحدیث میں مرد وعورت اور ان کے مابین تعلقات چاہے وہ نکاح، طلاق، خلع، رضاعت الغرض کسی بھی شکل میں ہوں ایک ایک کی وضاحت کردی ہے اور تعلیمات دے دی ہیں۔ جو عین عدل ہیں۔ لیکن چند منحرف الطبع لوگوں اور مغرب کے خوشہ چینوں نے ان تعلیمات کو مبنی بر ظلم قرار دیا اور آزادئ نسواں کے نام سے تحریکیں چلا کر اخلاقیات، اقدار واطوار اور خاندانی نظام کا شیرازہ بکھیر دیا۔ عورت کی آزادی کے نام پر اخلاقی بے راہ روی اور مادرپدر آزادی کے خوب وسائل پیدا کیے گئے اور نوبت یہاں تک آپہنچی کہ آج چار سالہ معصوم بچی بھی درندگی سے محفوظ نہیں رہی۔ یہ تحریکیں محض مغرب تک محصور نہیں رہیں بلکہ اسلامی ملکوں میں ان کی بھرپور آبیاری کی گئی، مالی وسائل فراہم کیے گئے اور اب یہ تحریکیں اسلامی ممالک میں ایک تنا ور درخت بن چکی ہیں۔ آج کیفیت یہ ہے کہ تقریباً تمام اسلامی ممالک اس تباہ کن اورہلاکت خیز فتنے کی زد میں آکر 'آزادئ نسواں کا راگ الاپنے میں مشغول ہوگئے ہیں۔ آزادی نسواں کے نام سے عریانی وفحاشی کا گندا کھیل کھیلا جا رہا ہے۔ آزادی اور مساوات کے نام سے مغرب نے ایسا گھناؤنا کھیل کھیلا ہے جس میں عورت ایک بکاؤ ما ل بن کر رہ گئی ہے۔ انہوں نے اسے چادر وچار دیواری سے نکال کر چوراہے پہ لا کھڑا کیا ہے۔ مغربی تھنک ٹینک اس حقیقت سے بخوبی آگاہ ہیں کہ عورت کو بگاڑ دو تو باقی معاشرہ ازخود زمین بوس ہوجائے گا اس لیے انہوں نے نہایت آسان ہدف تلاش کرکے اس پر کام کیا اور ایک حد تک وہ اپنے اس گھناؤنے مقصد میں کامیاب بھی ہوئے لیکن اب یہ ان کی لگائی ہوئی آگ ایسی بھڑکی ہے کہ ان کے قابو سے بھی باہرہو چکی ہے۔ عورت کی معاشرتی اور سماجی حیثیت واہمیت کا اہل مغرب کے ادراک کا اندازہ آپ اس سے لگائیں کہ اقوام متحدہ جو ایک