ہدایت کا نور اور ظلمات کے اندھیرے

مثال ہے،اور بینا،روشنی،سایہ،اور زندے بھی برابر نہیں ہو سکتے،یہ اطاعت گزاروں کی مثال ہے‘‘[1]۔ اور قتادہ فرماتے ہیں:’’(آیت کریمہ میں)بعض مخلوق کو بعض پر فضیلت وبرتری دی گئی ہے،رہا مومن تو وہ زندہ اثر،زندہ نگاہ،زندہ نیت اور زندہ عمل بندہ ہے اور رہا کافر تو وہ مردہ نگاہ،مردہ دل اور مردہ عمل بندہ ہے‘‘[2]۔ لہٰذا اس سے واضح ہو اکہ اللہ کے دین سے اندھا اور جس نے اللہ کے دین کو دیکھا،اسے جانا اور اس پر عمل کیا دونوں برابر نہیں ہوسکتے،اللہ عزوجل کا ارشاد ہے: ﴿أَوَ مَنْ کَانَ مَیْتاً فَأَحْیَیْنَاہُ وَجَعَلْنَا لَہُ نُوْراً یَّمْشِيْ بِہِ فِي النَّاسِ کَمَنْ مَّثَلُہُ فِي الظُّلُمَاتِ لَیْسَ بِخَارِجٍ مِّنْھَا کَذٰلِکَ زُیِّنَ لِلْکَافِرِیْنَ مَاکَانُوْا یَعْمَلُوْنَ﴾[3]۔ کیا وہ شخص جو پہلے مردہ تھا،پھر ہم نے اس کو زندہ کر دیا اور ہم نے اسے ایک ایسا نور دے دیا کہ وہ اس کو لئے ہوئے آدمیوں میں چلتا پھرتا ہے،کیا ایسا شخص اس شخص کی طرح ہو سکتا ہے جو تاریکیوں سے نکل ہی نہیں پاتا،اسی طرح کا فروں کو ان کے اعمال خوشنما معلوم ہوا کرتے ہیں۔ نیز اللہ نے تاریکی والوں کے سلسلہ میں فرمایا: ﴿وَالَّذِينَ كَذَّبُوا بِآيَاتِنَا صُمٌّ وَبُكْمٌ فِي الظُّلُمَاتِ مَن يَشَإِ اللّٰهُ يُضْلِلْـهُ وَمَن يَشَأْ يَجْعَلْهُ عَلَىٰ صِرَاطٍ مُّسْتَقِيمٍ(٣٩)﴾[4]۔ اور جو لوگ ہماری آیتوں کی تکذیب کرتے ہیں وہ تو طرح طرح کی ظلمتوں میں بہرے گونگے ہو رہے ہیں‘ اللہ جس کو چاہے بے راہ کردے اور وہ جس کو چاہے سیدھی راہ پر لگا دے۔ چنانچہ وہ حق کی سماعت سے بہرے ہیں،حق بولنے سے گونگے ہیں لہٰذا وہ باطل ہی بول سکتے ہیں(اور)جہالت،کفر،شرک،ظلم،سرکشی،اعراض اور گناہوں کی تاریکیوں میں ڈوبے ہوئے ہیں،اور یہ اللہ نے نہیں

[1] جامع البیان عن تاویل آی القرآن للطبری،20/458۔ [2] مرجع سابق،20/458۔ [3] سورۃ الانعام:122۔ [4] سورۃ الانعام:39۔